ഉലകനായകൻ കമൽ ഹാസൻ- ശങ്കർ കൂട്ടുകെട്ടിൽ പുറത്ത് വന്ന ഇന്ത്യൻ എന്ന ചിത്രത്തിന്റെ ആഗോള ബോക്സ് ഓഫീസ് കളക്ഷൻ റിപ്പോർട്ട് എത്തി. ട്രേഡ് അനലിസ്റ്റുകളുടെ ആദ്യ വിലയിരുത്തൽ പ്രകാരം 56 കോടിയോളമാണ് ഈ ചിത്രം നേടിയ ആഗോള ഗ്രോസ്. കേരളത്തിൽ നിന്ന് രണ്ടര കോടിയോളം ഗ്രോസ് നേടിയ ഈ ചിത്രം തമിഴ് നാട്ടിലും ആന്ധ്ര/ തെലുങ്കാന സംസ്ഥാനങ്ങളിലും വിദേശത്തും മികച്ച തുടക്കമാണ് നേടിയിരിക്കുന്നത്. കേരളത്തിൽ ഒരു കമൽ ഹാസൻ ചിത്രം നേടുന്ന രണ്ടാമത്തെ മികച്ച ഓപ്പണിങ് ആണ് ഇന്ത്യൻ 2 കരസ്ഥമാക്കിയത്. ലൈക്ക പ്രൊഡക്ഷൻസ്, റെഡ് ജയന്റ് മൂവീസ് എന്നിവർ ചേർന്ന് നിർമ്മിച്ച ഈ ചിത്രം കേരളത്തിൽ വിതരണം ചെയ്തത് ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ്. അറുന്നൂറിലധികം സ്‌ക്രീനുകളിൽ കേരളത്തിലെ ഏറ്റവും വലിയ റിലീസ് ആയാണ് ഈ ചിത്രം എത്തിയത്.
തമിഴ്നാട് നിന്ന് 13 കോടിക്ക് മുകളിൽ ആദ്യ ദിനം നേടിയ ഈ ചിത്രം വിദേശത്തു നിന്ന് നേടിയത് 25 കോടിക്ക് മുകളിലാണ്. ആന്ധ്ര/ തെലുങ്കാന സംസ്ഥാനങ്ങളിൽ നിന്ന് പത്ത് കോടിക്ക് മുകളിലും ഇന്ത്യൻ 2 ആദ്യ ദിനം നേടി. സിദ്ധാർഥ്, എസ് ജെ സൂര്യ, വിവേക്, ജയപ്രകാശ്, ജഗൻ, ഡെല്‍ഹി ഗണേഷ്, സമുദ്രക്കനി, നിഴല്‍ഗള്‍ രവി, വിനോദ് സാഗര്‍, ബെനെഡിക്റ്റ് ഗാരെറ്റ്, പ്രിയ ഭവാനി ശങ്കര്‍, രാകുല്‍ പ്രീത് സിംഗ്, ബ്രഹ്‍മാനന്ദൻ, ബോബി സിൻഹ എന്നിവരും വേഷമിട്ട ഈ ചിത്രത്തിന് സംഗീതം പകർന്നത് അനിരുദ്ധ് രവിചന്ദറാണ്. 1996 ലെ ബ്ലോക്ക്ബസ്റ്റർ കമൽ ഹാസൻ – ശങ്കർ ചിത്രം ഇന്ത്യന്റെ രണ്ടാം ഭാഗമായി ഒരുക്കിയ ഈ ചിത്രത്തിന് ശേഷം, ഇതിന്റെ മൂന്നാം ഭാഗവും റിലീസിന് തയ്യാറെടുക്കുകയാണ്‌.
