ഐഡിയ സ്റ്റാർ സിങ്ങറിലൂടെ മലയാളികൾക്ക് ഏറെ സുപരിച്ചതയായ ഗായികയാണ് മഞ്ജുഷ മോഹൻദാസ്. ഐഡിയ സ്റ്റാർ സിങ്ങറിലൂടെ മലയാളി മനസ്സിൽ സ്ഥാനം പിടിച്ച ഈ ഗായിക പിന്നീട് ഒരുപാട് വേദികളിലും ഭക്തിഗാനങ്ങളിലും പാടിയിട്ടുണ്ട്. അടുത്തിടെയാണ് എല്ലാവരും ഒന്നടങ്കം ഞെട്ടിച്ചുകൊണ്ട് മഞ്ജുഷക്ക് ഒരു വാഹനപകടം ഉണ്ടായത്. കഴിഞ്ഞ വെള്ളിയാഴ്ച കാലടി താന്നിപ്പുഴയിൽ വെച്ച് കള്ളുമായി വന്ന മിനിലോറിയുമായി മഞ്ജുഷ സഞ്ചരിച്ചിരുന്നു സ്‌കൂട്ടറിൽ ഇടിക്കുകയുണ്ടായി, ഇടിയുടെ ആഘാതത്തിൽ മഞ്ജുഷ റോഡിലേക്ക് തെറിച്ചു വീഴുകയായിരുന്നു. ഗുരുതരമായ പരുക്കേറ്റ മഞ്ജുഷയെ എത്രെയും പെട്ടന്ന് തന്നെ ഹോസ്പിറ്റലിൽ നാട്ടുകാർ എത്തിച്ചിരുന്നു. കൂടെയുണ്ടായിരുന്നു അഞ്ജന എന്ന പെണ്കുട്ടിക്കും പരിക്കേറ്റിരുന്നു. ദിശമാറിയെത്തിയ ലോറി ഇരുവരും സഞ്ചരിച്ചിരുന്നു വാഹനത്തിൽ ചെന്ന് ഇടിക്കുകയായിരുന്നു. വെള്ളിയാഴ്ച രാവിലെ 9.30നാണ് ഈ സംഭവം അരങ്ങേറിയത്.
ദിവസങ്ങളായി ചികിൽസയിലായിരുന്ന മഞ്ജുഷ മോഹൻദാസ് അൽപം മുമ്പ് അന്തരിച്ചു. അങ്കമാലി സ്വകാര്യ ആശുപത്രയായ ലിറ്റിൽ ഫ്ലവർ ഹോസ്പിറ്റലിൽ ചികിത്സയിലായിരുന്നു പെണ്കുട്ടിയുടെ മരണ വാർത്ത കേരള ജനതയെ ഏറെ സങ്കടത്തിൽ ആഴ്ത്തിയേക്കാണ്. മരണാനന്തര ചടങ്ങുകൾ വൈകാതെ തന്നെയുണ്ടാവും എന്നാണ് അറിയാൻ സാധിച്ചത്. സംസ്‌കൃത സർവകലാശാല വിദ്യാർത്ഥിനി കൂടിയാണ് മഞ്ജുഷ. സംഗീത ലോകത്ത് ഒരുപാട് ഉയരങ്ങളിലേക്ക് എത്തേണ്ട ഒരു ഗായികയാണ് ഇവിടെ അന്തരിച്ചിരിക്കുന്നത്. മഞ്ജുഷക്ക് വെറും 26 വയസ്സ് മാത്രമാണുള്ളത്, 2009ൽ സംപ്രേഷണം ചെയ്ത ഐഡിയ സ്റ്റാർ സിങ്ങർ പരിപാടിയിലെ മത്സരാർത്ഥി കൂടിയാണ് മഞ്ജുഷ. പെരുമ്പാവൂർ വളയം ചിറങ്ങര സ്വദേശിയാണ് മഞ്ജുഷ. കല്യാണം കഴിഞ്ഞ മഞ്ജുഷക്ക് ഒരു വയസ്സായ ഒരു മകളുമുണ്ട്. പ്രിയദർശൻ എന്നാണ് ഭർത്താവിന്റെ പേര്, ഒരുപാട് പ്രമുഖ വ്യക്തികൾ മഞ്ജുഷയുടെ മൃതദേഹം കാണുവാൻ എത്തുന്നുണ്ട്.
