ബോളിവുഡിന്റെ മിസ്റ്റർ പെർഫെക്ഷനിസ്റ്റ് എന്നറിയപ്പെടുന്ന സൂപ്പർ താരം ആമിർ ഖാൻ നായകനായെത്തുന്ന ഏറ്റവും പുതിയ ചിത്രമാണ് ലാൽ സിങ് ചദ്ദ. ക്ലാസിക് ഹോളിവുഡ് ചിത്രമായ, ടോം ഹാങ്ക്സ് നായക വേഷം ചെയ്ത ദി ഫോറെസ്റ്റ് ഗംബിന്റെ ഹിന്ദി റീമേക്കാണ് ഈ ആമിർ ഖാൻ ചിത്രം. ഈ കഴിഞ്ഞ ഇന്ത്യൻ പ്രീമിയർ ഫൈനലിനിടെയാണ് ലാൽ സിങ് ഛദ്ദയുടെ ട്രൈലെർ റിലീസ് ചെയ്തത്. വമ്പൻ പ്രേക്ഷക പ്രതികരണം നേടിയ ഈ ട്രൈലെർ ഇപ്പോൾ സൂപ്പർ ഹിറ്റായിക്കഴിഞ്ഞു. ഓഗസ്റ്റ് പതിനൊന്നിനാണ് ആഗോള റിലീസായി ലാൽ സിങ് ചദ്ദ റിലീസ് ചെയ്യാൻ പോകുന്നത്. ഇപ്പോഴിതാ താൻ ഈ ചിത്രം കാണാൻ കാത്തിരിക്കുകയാണെന്ന് പറഞ്ഞുകൊണ്ട് മുന്നോട്ട് വന്നിരിക്കുകയാണ്, ബാഹുബലി, ആർ ആർ ആർ തുടങ്ങിയ ബ്രഹ്മാണ്ഡ സിനിമകളുടെ അമരക്കാരനായ എസ് എസ് രാജമൗലി. ഈ ചിത്രത്തിന്റെ ട്രെയ്‌ലർ പങ്കുവച്ചു കൊണ്ട് അദ്ദേഹം കുറിച്ച വാക്കുകൾ ഏറെ ശ്രദ്ധ നേടുകയാണ്.
രാജമൗലി കുറിച്ച വാക്കുകൾ ഇങ്ങനെ, “നാല് വർഷങ്ങൾക്ക് ശേഷം ആമിർ ഖാൻ വീണ്ടും മനസ്സിൽ തൊടുന്ന ഒരു മികച്ച ചിത്രവുമായി എത്തുകയാണ്. ലാൽ സിംഗ് ഛദ്ദയുടെ ട്രെയ്‌ലർ റെയിഷ്ടപ്പെട്ടു. ആമിർ എന്നത്തേയും പോലെ ഇതിലും തകര്ത്താടുകയാണു. ഈ ചിത്രം തിയേറ്ററുകളിൽ കാണാൻ വേണ്ടി കാത്തിരിക്കുകയാണ്… ചിത്രത്തിന്റെ മുഴുവൻ ടീമിനും എന്റെ ആശംസകൾ..”. ആമിർ ഖാന്റെ തന്നെ നിർമ്മാണ കമ്പനിയായ ആമിർഖാൻ പ്രൊഡക്ഷൻസ് നിർമ്മിച്ചിരിക്കുന്ന ഈ ചിത്രം സംവിധാനം ചെയ്തിരിക്കുന്നത് അദ്വൈദ് ചന്ദ്രനാണ്. കരീന കപൂർ ഖാൻ നായികാ വേഷം ചെയ്തിരിക്കുന്ന ഈ ചിത്രത്തിൽ തെലുങ്കു യുവ താരം നാഗ ചൈതന്യയും അഭിനയിച്ചിട്ടുണ്ട്.
Aamir is coming back after 4 years with a soulful film. Loved the trailer of #LaalSinghChaddha. He’s rocking it like he always does. Can’t wait to watch this one in theatres… My best wishes to the entire team. https://t.co/BqqycMtRDw
— rajamouli ss (@ssrajamouli) May 31, 2022
