കേരളക്കര മുഴുവനും മെഗാസ്റ്റാർ മമ്മൂട്ടി ചിത്രം ‘മാസ്റ്റർ പീസ്’ തരംഗമായി മാറിയിരിക്കുകയാണ്. ആദ്യ ദിനം മുതൽക്കേ കേരളത്തിൽ അങ്ങോളമിങ്ങോളം തീയേറ്ററുകളിൽ കടുത്ത ജനാവലിയാണ് മാസ്റ്റർപീസ് കാണുവാനായി അനുഭവപ്പെട്ടെത്. മമ്മൂട്ടി ആരാധകരുടെ ആഘോഷ പരിപാടികളും ആരവങ്ങളും മെഗാസ്റ്റാറിന്റെ വരവിനു മാറ്റ് കൂട്ടി.
ഇതുവരെ പുറത്തുവിട്ട റോയൽ സിനിമാസിന്റെ ഒഫീഷ്യൽ റെക്കോർഡ് അനുസരിച്ച് 3 ദിവസം കൊണ്ട് 10 കോടി രൂപയാണ് മാസ്റ്റർപേസിന്റെ കളക്ഷൻ. നിലവിലുള്ള തിക്കും തിരക്കും വെച്ച് നോക്കിയാൽ വരും ദിനങ്ങളിൽ കളക്ഷൻ ഒരു ഭീമൻ തുക തന്നെ ആകുവാനാണ് സാധ്യത. മമ്മൂട്ടി റെക്കോർഡുകൾ ഇനിയും നിർമ്മിക്കാനുള്ള എല്ലാ സാധ്യതകളും ഉണ്ടെന്നാണ് ആരാധകരും ജനങ്ങളും പറയുന്നത്. എഡ്വേർഡ് ലിവിംഗ്സ്റ്റൺ എന്ന കോളേജ് അധ്യാപകന്റെ വേഷമാണ് മമ്മൂട്ടി ഈ ചിത്രത്തിൽ അവതരിപ്പിക്കുന്നത്.
മുകേഷ്, ഉണ്ണി മുകുന്ദന്‍, ഗോകുല്‍ സുരേഷ്, വരലക്ഷ്മി ശരത്കുമാര്‍, പൂനം ബാജ്വ എന്നിവരും ഈ ചിത്രത്തിൽ മുഖ്യ കഥാപാത്രങ്ങളായി എത്തുന്നു. ദീപക് ദേവ് ആണ് ചിത്രത്തിന് സംഗീതമൊരുക്കിയിരിക്കുന്നത്. റോയല്‍ സിനിമാസിന്റെ ബാനറില്‍ സി എച്ച് മുഹമ്മദാണ് ചിത്രം നിർമ്മിച്ചിരിക്കുന്നത്.
