മെഗാ സ്റ്റാർ മമ്മൂട്ടി നായകനായി ഈ കഴിഞ്ഞ വിഷുക്കാലത്തു കേരളത്തിലെ തീയേറ്ററുകളിൽ എത്തിയ ചിത്രമാണ് മധുര രാജ. പ്രശസ്ത സംവിധായകൻ ആയ വൈശാഖ് ഒരുക്കിയ ഈ ചിത്രം രചിച്ചത് ഉദയ കൃഷ്ണയും നിർമ്മിച്ചത് നെൽസൻ ഐപ്പും ആയിരുന്നു. മമ്മൂട്ടിയുടെ കരിയറിലെ ഏറ്റവും വലിയ വിജയം ആയി മാറിയ ഈ ചിത്രം നൂറു കോടി ക്ലബിൽ ഇടം നേടുകയുണ്ടായി. ഇപ്പോഴിതാ ഈ സിനിമയുടെ തമിഴ് ഡബ്ബ് വേർഷൻ റിലീസിന് ഒരുങ്ങുകയാണ്. ചിത്രത്തിന്റെ തമിഴ് വേർഷന്റെ ഫസ്റ്റ് ലുക്ക് പോസ്റ്റർ ഇന്ന് അഞ്ചു മണിക്ക് മമ്മൂട്ടി തന്നെ തന്റെ ഒഫീഷ്യൽ ഫേസ്ബുക്ക് പേജിലൂടെ റീലീസ് ചെയ്തു. മെഗാ സ്റ്റാർ റിലീസ് ചെയ്ത ഈ മാസ്സ് പോസ്റ്ററിന് വലിയ സ്വീകരണം ആണ് ആരാധകർ സോഷ്യൽ മീഡിയയിൽ നൽകുന്നത്.
മമ്മൂട്ടിക്ക് പുറമെ തമിഴ് യുവ താരം ജയ്. തെലുഗ് താരം ജഗപതി ബാബു എന്നിവരും അഭിനയിച്ച ഈ ചിത്രത്തിന് ദൃശ്യങ്ങൾ ഒരുക്കിയതു ഷാജി കുമാർ ആണ്. മഹിമ നമ്പ്യാർ, അനുശ്രീ, അന്നാ രാജൻ, പ്രശാന്ത് അലക്‌സാണ്ടർ, നെടുമുടി വേണു, സലിം കുമാർ, വിജയ രാഘവൻ, വിനയ പ്രസാദ്, ബിജു കുട്ടൻ, നോബി എന്നിവരും ഈ ചിത്രത്തിന്റെ താര നിരയിൽ ഉണ്ട്. ഗോപി സുന്ദർ ഗാനങ്ങളും പശ്ചാത്തല സംഗീതവും ഒരുക്കിയ ഈ ചിത്രത്തിന് വേണ്ടി സംഘട്ടന സംവിധാനം നിർവഹിച്ചത് ദേശീയ പുരസ്‌കാര ജേതാവായ പീറ്റർ ഹെയ്ൻ ആണ്. ഈ ചിത്രത്തിന്റെ എഡിറ്റിങ് നിർവഹിച്ചത് മഹേഷ് നാരായണൻ, സുനിൽ എസ്‌ പിള്ള എന്നിവർ ചേർന്നാണ്.
