സാമന്ത കേന്ദ കഥാപാത്രമായി എത്തുന്ന പുതിയ ചിത്രമാണ് ശാകുന്തളം. കാളിദാസന്റെ ‘അഭിജ്ഞാന ശാകുന്തളം’ എന്ന കൃതിയെ ആസ്പദമാക്കി ഒരുങ്ങുന്ന ചിത്രത്തിൽ ‘ശകുന്തള’യായി സാമന്ത എത്തുമ്പോൾ ‘ദുഷ്യന്തനായി’ സൂഫിയും സുജാതയും എന്ന ചിത്രത്തിലൂടെ ശ്രദ്ധേയനായ ദേവ് മോഹൻ എത്തുന്നു. ശാകുന്തളത്തിന്റെ മോഷൻ പോസ്റ്റര്‍ പുറത്തുവിട്ട് റിലീസ് പ്രഖ്യാപിച്ചിരിക്കുകയാണ് ചിത്രത്തിന്റെ അണിയറ പ്രവർത്തകർ.
മലയാളം, കന്നഡ, ഹിന്ദി, തമിഴ്, തെലുങ്ക് ഉൾപ്പടെ അഞ്ച് ഭാഷകളിലായി ചിത്രം നവംബര്‍ നാലിന് ആണ് റിലീസ് ചെയ്യുക. രുദ്രമാദേവിക്ക് ശേഷം ഗുണശേഖര സംവിധാനം ചെയ്യുന്ന ഈ ചിത്രം നീലിമ ഗുണയും ദില്‍ രാജുവും ചേർന്നാണ് നിർമ്മിക്കുന്നത്. ഗുണ ടീം വര്‍ക്ക്‌സ് ആന്റ് ദില്‍ രാജു പ്രൊഡക്ഷന്‍സിന്റെ ബാനറിലാണ് അവർ ഈ ചിത്രം ഒരുക്കുന്നത്. മോഹന്‍ ബാബു, പ്രകാശ് രാജ്, ഗൗതമി, അഥിതി ബാലന്‍, അനന്യ നാഗെല്ല, മധുബാല, കബീര്‍ ബേഡി, അല്ലു അര്‍ജുന്റെ മകള്‍ അല്ലു അര്‍ഹ എന്നിവരും ഈ ചിത്രത്തിൽ അഭിനയിക്കുന്നുണ്ട്.
