പഞ്ചവർണ്ണതത്ത എന്ന ചിത്രത്തിന് ശേഷം രമേശ് പിഷാരടി സംവിധാനം ചെയ്ത പുതിയ ചിത്രമാണ് ഗാനഗന്ധർവ്വൻ. മെഗാ സ്റ്റാർ മമ്മൂട്ടി നായകനായ ഈ ചിത്രം ഈ കഴിഞ്ഞ വെള്ളിയാഴ്ച ആണ് തീയേറ്ററുകളിൽ എത്തിയത്. മികച്ച പ്രേക്ഷക പ്രതികരണം നേടുന്ന ഈ ചിത്രം എല്ലാത്തരം പ്രേക്ഷകരേയും ഒരുപോലെ ആകർഷിക്കുന്ന ഒരു ക്ലീൻ ഫാമിലി എന്റെർറ്റൈനെർ ആണ്. കുടുംബ പ്രേക്ഷകർ പ്രതീക്ഷിക്കുന്ന ചിരിയും വൈകാരിക മുഹൂർത്തങ്ങളും ഉള്ളതിനൊപ്പം ചിന്തിപ്പിക്കുന്ന ചില മുഹൂർത്തങ്ങളും സംഭാഷണങ്ങളും ചിത്രത്തിന്റെ മാറ്റു കൂട്ടുന്നു. മാത്രമല്ല യുവ പ്രേക്ഷകരേയും മമ്മൂട്ടി ആരാധകരേയും ആവേശം കൊള്ളിക്കുന്ന ട്വിസ്റ്റുകളും ഈ ചിത്രത്തിന്റെ ഭാഗമാണ്. അതുകൊണ്ടു തന്നെ എല്ലാം തികഞ്ഞ ഒരു കംപ്ലീറ്റ് പാക്കേജ് ആയാണ് ഈ ചിത്രം ഒരുക്കിയിരിക്കുന്നത് എന്ന് പറയാം.
മമ്മൂട്ടി, സുരേഷ് കൃഷ്ണ, മനോജ് കെ ജയൻ എന്നിവരുടെ മികച്ച പ്രകടനം ഈ ചിത്രത്തിന് ഒരു മുതൽ കൂട്ടായിട്ടുണ്ട്. പുതുമുഖ നായികയായ വന്ദിത മനോഹരനും മികച്ച പ്രകടനമാണ് കാഴ്ച വെച്ചത്. ഇച്ചയീസ് പ്രൊഡക്ഷൻസിനൊപ്പം ചേർന്ന് രമേശ് പിഷാരടി തന്നെ നിർമ്മിച്ചിരിക്കുന്ന ഈ ചിത്രത്തിന് തിരക്കഥ ഒരുക്കിയിരിക്കുന്നത് രമേശ് പിഷാരടിയും ഹരി പി നായരും ചേർന്നാണ്. അടിപൊളി പാട്ടുകൾ ആലപിക്കുന്ന കലാസദൻ ഉല്ലാസ് എന്ന മമ്മൂട്ടി അവതരിപ്പിക്കുന്ന ഗാനമേള ഗായകന്റെ ജീവിതത്തിലൂടെയാണ് ഈ ചിത്രം സഞ്ചരിക്കുന്നത്. ധർമജൻ, മുകേഷ്, ഇന്നസെന്റ്, ഹാരിഷ് കണാരൻ, സുനിൽ സുഗത, രാജേഷ് ശർമ്മ , ദേവൻ, സലിം കുമാർ, ജോണി ആന്റണി, സുധീർ കരമന, മണിയൻ പിള്ള രാജു, റാഫി, ആര്യ എന്നിവരും രസകരമായ പ്രകടനത്തിലൂടെ ഈ ചിത്രത്തിൽ നിറഞ്ഞു നിൽക്കുന്നു.
