മലയാളികളുടെ അഭിമാനം, ഏറ്റവുമധികം ആരാധകരുള്ള നടന്മാരിലൊരാളായ മോഹൻലാലിനെയാണ് കഴിഞ്ഞദിവസം അദ്ദേഹത്തിൻറെ ആരാധകൻ ഞെട്ടിച്ചത്. ഒടിയന്റെ ഷൂട്ടിംഗ് പരിസമാപ്തിയിൽ എത്തിയപ്പോൾ മോഹൻലാൽ ക്ഷേത്രദർശനത്തിനായി പാലക്കാട് എത്തിയിരുന്നു. ക്ഷേത്രദർശനവും മറ്റ് ചടങ്ങുകളുമെല്ലാം കഴിഞ്ഞ് സംവിധായകനായ വി. എ ശ്രീകുമാറിനോടൊപ്പം പോകുമ്പോഴാണ് മോഹൻലാലിന്റെ അടുത്തേക്ക് ആരാധകൻ എത്തിയത്. ആരാധകൻ തന്റെ പ്രകടനം കൊണ്ട് മോഹൻലാലിനെ അക്ഷരാർത്ഥത്തിൽ ഞെട്ടിച്ചു. 3 മിനിറ്റ് കൊണ്ടാണ് ആരാധകൻ അദ്ദേഹത്തിൻറെ എല്ലാ ചിത്രങ്ങളുടെയും പേര് പറഞ്ഞു തീർത്തത്. മോഹൻലാൽ ആരാധകനുമായ പുറത്തേക്ക് എത്തി പ്രേക്ഷകർക്കു മുമ്പിൽ ഇത് അവതരിപ്പിക്കുവാൻ അവസരം നൽകി. പ്രേക്ഷകരെയും അമ്പരിപ്പിച്ച ആരാധകനെ മോഹൻലാൽ വേദിയിൽവച്ച് അഭിനന്ദിച്ചു. അതിനുശേഷം അദ്ദേഹത്തിന്റെ കാറിന് അരികിലേക്ക് വിളിച്ചു മോഹൻലാൽ സംസാരിക്കുകയുണ്ടായി.
മോഹൻലാൽ ആരാധകർ ഏറ്റവുമധികം കാത്തിരിക്കുന്ന ചിത്രം ഒടിയന്റെ ഷൂട്ടിംഗ് പാലക്കാടായിരുന്നു നടന്നത്. ചിത്രത്തിന്റെ ഷൂട്ടിംഗ് ഈ വാരം തന്നെ അവസാനിക്കും എന്നാണ് അറിയാൻ കഴിയുന്നത്. ചിത്രത്തിൽ അഭിനയിക്കാൻ എത്തിയ ബോളിവുഡ് താരം മനോജ് ജോഷിയുടെ രംഗങ്ങൾ കഴിഞ്ഞദിവസമാണ് ചിത്രീകരിച്ചത്. 40 കോടിയോളം മുതൽമുടക്കുന്ന ചിത്രം നിർമ്മിച്ചിരിക്കുന്നത് ആൻറണി പെരുമ്പാവൂരാണ്. മലയാളത്തെ നൂറുകോടിയുടെ നെറുകയിലെത്തിച്ച മോഹൻലാൽ ഈ ചിത്രത്തിലൂടെ ബ്ലോക്ക് ഓഫീസ് റെക്കോർഡ് വീണ്ടും തിരുത്തിക്കുറിക്കുമെന്നാണ് ആരാധക പ്രതീക്ഷ. എന്തുതന്നെയായാലും ദിനംപ്രതി കൗതുകമുണർത്തുന്ന വാർത്തകൾ ഒടിയനിൽ നിന്ന് എത്തുന്നത് ചിത്രത്തിന് പ്രതീക്ഷ നൽകുന്നു.
