മലയാളത്തിന്റെ യുവ താരം ദുൽഖർ സൽമാൻ, തന്റെ പുതിയ തമിഴ് ചിത്രത്തിന്റെ പ്രമോഷന്റെ ഭാഗമായി സൺ ടി വിയിലെ വണക്കം തമിഴാ എന്ന പരിപാടിയിൽ പറഞ്ഞ കാര്യങ്ങളാണ് ഇപ്പോൾ സോഷ്യൽ മീഡിയയുടെ ശ്രദ്ധ നേടുന്നത്. ദളപതി വിജയ്, തല അജിത് എന്നിവർ രാഷ്ട്രീയത്തിൽ വന്നാൽ സൂപ്പർ ആയിരിക്കുമെന്നും തന്റെ ഏറ്റവും ഫേവറിറ്റ് തമിഴ് നടൻ വിജയ് സേതുപതിയാണെന്നും ദുൽഖർ അതിൽ പറഞ്ഞു. മാത്രമല്ല, വിക്രം, സൂര്യ എന്നിവരുടെ അഭിനയത്തേയും അവരുടെ കരിയറിലെ വളർച്ചയേയും കുറിച്ചും ദുൽഖർ പറയുന്നുണ്ട്. ഇപ്പോഴിതാ ആ പരിപാടിയിൽ ലേഡി സൂപ്പർ സ്റ്റാർ നയൻതാരയെ കുറിച്ച് ദുൽഖർ പറയുന്നതാണ് ശ്രദ്ധ നേടുന്നത്. ദുൽഖറിന്റെ മുന്നിൽ കുറെയേറെ തമിഴ് നടിമാരുടെ ചിത്രങ്ങൾ മുഖം കാണാത്ത രീതിയിൽ വെച്ചതിനു ശേഷം അവതാരകർ ചോദിക്കുന്ന സാങ്കൽപ്പിക സാഹചര്യത്തിൽ ദുൽഖർ ആരെയാണ് തിരഞ്ഞെടുക്കുന്നത് എന്നതായിരുന്നു അതിലെ ഒരു ഫൺ ഗെയിം. ഇപ്പോൾ വിവാഹിതനല്ലായിരുന്നെങ്കിൽ ഏതു സിനിമാ നടിയെയാവും ഭാര്യയായി സ്വീകരിക്കാൻ ആഗ്രഹിക്കുന്നത് എന്ന ചോദ്യത്തിന് ദുൽഖർ മുഖം കാണാതെ തിരഞ്ഞെടുത്ത ചിത്രം നയൻതാരയുടേത് ആയിരുന്നു.
നയൻതാരയുടെ ആരാധകനാണ് താനെന്നും. തമിഴിൽ വരുന്നതിനു മുൻപ് നയൻതാര തന്റെ അച്ഛൻ മമ്മൂട്ടിക്കൊപ്പം ജോലി ചെയ്യുന്ന സമയത്തു മുതൽ തന്നെ താൻ അവരെ ആരാധനയോടെയാണ് കണ്ടിരിക്കുന്നത് എന്നും, പിന്നെ നയൻതാരയെ പോലെ സൗന്ദര്യവും കഴിവും ഉള്ള ഒരു യുവതിയെ ഏത് യുവാവാണ് ഭാര്യയാകാൻ ആഗ്രഹിക്കാത്തത് എന്നും വളരെ രസകരമായി ദുൽഖർ പറയുന്നു. അവതാരകനായി ഇരുന്ന യുവാവിന് പോലും ആ ആഗ്രഹവും ആരാധനയും കാണുമെന്നും ദുൽഖർ പറഞ്ഞു. ഇപ്പോഴും തന്റെ സൗന്ദര്യം കാത്തു സൂക്ഷിക്കുന്നതാണ് നയൻതാരയുടെ ഏറ്റവും വലിയ പ്ലസ് പോയന്റുകളിലൊന്ന് എന്നും ദുൽഖർ സൽമാൻ വിശദീകരിക്കുന്നു.
ഫോട്ടോ കടപ്പാട്: Ajmal Photography
