മലയാളത്തിലെ ഏറ്റവും വലിയ താരസംഘടനയാണ് ‘അമ്മ. മുൻപ് തന്നെ നിരവധി സ്റ്റേജ് ഷോകൾ സംഘടിപ്പിച്ചിട്ടുള്ള അമ്മ പുതിയ ഒരു സ്റ്റേജ് ഷോയ്ക്ക് കൂടി ഒരുങ്ങുകയാണ്. 2011 ലാണ് ആദ്യമായി അമ്മ വലിയ ഒരു സ്റ്റേജ് ഷോ നയിക്കുന്നത്. സൂര്യ ടിവിയോടൊപ്പം സൂര്യതേജസോടെ അമ്മ എന്ന് നൽകിയ പരിപാടിയായിരുന്നു അന്ന് നടത്തിയത്. എല്ലാവരുടെയും മികച്ച പ്രകടനത്തോടെ കൂടി ശ്രദ്ധേയമായ പരിപാടി അന്ന് വലിയ വിജയമായിരുന്നു. അതിനുശേഷമാണ് പിന്നീട് മഴവിൽ മനോരമയുടെ നേതൃത്വത്തിൽ മഴവില്ലഴകിൽ അമ്മ സ്റ്റേജ് ഷോ വിദേശത്തും കേരളത്തിലുമായി നടത്തിയിരുന്നു. സന്നദ്ധ പ്രവർത്തനങ്ങൾക്കായി പണം ചെലവഴിക്കുവാൻ അമ്മ നടത്തുന്ന സ്റ്റേജ് ഷോ വർഷങ്ങൾക്ക് ശേഷം പുത്തൻ രൂപത്തിൽ വീണ്ടുമെത്തുകയാണ്. പ്രേക്ഷകർക്ക് എന്നും കൗതുകം തീർത്ത അമ്മ സ്റ്റേജ് ഷോ, ഇതിനോടകം തന്നെ ചർച്ചയാവുകയാണ്.
മലയാളികളുടെ പ്രിയപ്പെട്ട യുവതാരം ദുൽക്കർ സൽമാൻറെ ഗംഭീര നൃത്തച്ചുവടുകളാണ് ഇപ്പോൾ സോഷ്യൽ മീഡിയയിൽ വൈറൽ ആകുന്നത്. ആദ്യ രണ്ട് സ്റ്റേജ് ഷോകളിൽ അപേക്ഷിച്ച് ദുൽഖർ സൽമാന്റെ സാന്നിധ്യം ഇത്തവണത്തെ പരിപാടിയെ കൂടുതൽ ഗംഭീരമാകും എന്ന് പ്രേക്ഷകർ കരുതുന്നു. കഴിഞ്ഞ ദിവസം പുറത്തുവന്ന ദുൽഖർ സൽമാന്റെ തകർപ്പൻ നൃത്തച്ചുവടുകൾ ശ്രദ്ധേയമായി കഴിഞ്ഞു. ദുൽഖർ സൽമാനൊപ്പം യുവനടി മൈഥിലി ചുവടുകൾ വെക്കുന്നുണ്ട്. മലയാളത്തിന്റെ അഭിമാന താരങ്ങളായ മോഹൻലാലിന്റെയും മമ്മൂട്ടിയുടെയും നൃത്ത പരിശീലന രംഗങ്ങൾ കഴിഞ്ഞ ദിവസമാണ് പുറത്തുവന്നത്. അത് സോഷ്യൽ മീഡിയയിൽ വലിയ തരംഗം സൃഷ്ടിച്ച് മുന്നേറിക്കൊണ്ടിരിക്കുകയാണ്. ആരാധകർക്ക് അത്ഭുതം തീർക്കാൻ ഒരുങ്ങുന്ന അമ്മ മഴവിൽ ഷോ മെയ് 6ന് തിരുവനന്തപുരത്ത് നടക്കും
