മലയാള സിനിമ ലോകം ഏറെ പ്രതീക്ഷയോടെ കാത്തിരിക്കുന്ന സിനിമയാണ് പറവ. മലയാളത്തിന്റെ പ്രിയ കോമഡി താരം സൗബിൻ ഷാഹിർ ആദ്യമായി സംവിധാനം ചെയ്യുന്ന സിനിമ എന്നത് തന്നെയാണ് പറവയ്ക്ക് പ്രതീക്ഷകൾ ഏറാൻ കാരണം. കുട്ടികളെ നായകന്മാരാക്കി ഒരുക്കുന്ന സിനിമയാണെങ്കിലും ദുൽക്കർ സൽമാൻ ഒരു പ്രധാന വേഷത്തിൽ ഈ ചിത്രത്തിൽ എത്തുന്നു എന്നതും പ്രേക്ഷകർക്ക് ഇടയിൽ വലിയ തരംഗം സൃഷ്ടിക്കാൻ പറവയെ സഹായിച്ചിട്ടുണ്ട്.
പറവയുടെ പോസ്റ്ററുകളും പുതുമ നിറഞ്ഞതായിരുന്നു. ദുൽക്കറിന്റ പുത്തൻ ലുക്കുമായി വന്ന പോസ്റ്ററിന് ശേഷം കഴിഞ്ഞ ദിവസം അണിയറ പ്രവർത്തകൾ പുറത്തു വിട്ട പുതിയ പോസ്റ്ററും ഏറെ ശ്രദ്ധ നേടുകയാണ്.
പെയിന്റ് പണിക്കാരന്റെ വേഷത്തിലാണ് ദുൽഖർ പുതിയ പോസ്റ്ററിൽ എത്തിയത്. ഒപ്പം നടൻ അബിയുടെ മകൻ ഷെയിൻ നിഗവും ഹരിശ്രീ അശോകന്റെ മകൻ അർജുൻ അശോകും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.
ദുൽക്കറിന്റ കഥാപാത്രം എന്താണെന്നോ കഥ എന്താണെന്നോ ഇതുവരെ അണിയറ പ്രവർത്തകർ പുറത്ത് വിട്ടിട്ടില്ല. പറവ ടീം ഒരുക്കിവെച്ച സർപ്രൈസ് എന്താണെന്ന് കാത്തിരിക്കുകയാണ് പ്രേക്ഷകർ.
