തമിഴ് സിനിമ ലോകം ഒന്നടങ്കം ഉറ്റുനോക്കുന്ന വിജയ് ചിത്രം മാസ്റ്റർ റിലീസിന് ഒരുങ്ങുകയാണ്. സിനിമയുടെ ഓഡിയോ ലോഞ്ച് ഈ വരുന്ന ഞായറാഴ്ച നടക്കാനിരിക്കെ ചിത്രത്തിലെ ഒരു ഗാനത്തിന് നടൻ ശാന്തനു ചുവട് വെക്കുന്ന വീഡിയോ സോഷ്യൽ മീഡിയയിൽ വൈറലാവുകയാണ്. മാസ്റ്ററിലെ വാത്തി കമിങ് എന്ന് ആരംഭിക്കുന്ന തകർപ്പൻ ഗാനത്തിനാണ് ശാന്തനുവും, ഭാര്യ കിക്കി വിജയും അവരുടെ ഡാൻസ് സ്കൂളിലെ അംഗങ്ങളും ഒരുമിച്ച് നൃത്തം ചെയുന്നത്.
ട്വിറ്ററിൽ പോസ്റ്റ് ചെയ്ത വിഡിയോക്ക് പ്രശ്‌മസയുമായി എത്തിയിരിക്കുകയാണ് മലയാളി താരം ദുൽഖർ സൽമാൻ. സ്‌കൂൾ കാലഘട്ടം മുതൽ തന്നെ താൻ ശാന്തനുവിന്റെ ഡാൻസ് അമ്പരപ്പോടെ കാണാറുണ്ടെന്ന് ദുൽഖർ ട്വിറ്ററിൽ കുറിച്ചിരിക്കുകയാണ്. ഓരോ വർഷം കഴിയുംതോറും ഡാൻസ് മെച്ചപ്പെട്ട് വരുകയാണെന്നും താരം അഭിപ്രായപ്പെട്ടു. മാസ്റ്ററിലൂടെ വലിയൊരു തിരിച്ചു വരവ് നടത്താൻ ഒരുങ്ങുന്ന ശാന്തനുവിന് ആശംസകൾ നൽകിയാണ് ദുൽഖർ കുറിപ്പ് അവസാനിപ്പിക്കുന്നത്.
From all of us at #KikisDanceStudio Here’s our dedication to #Master 🔥#VaathiStepu challenge 🤩 Hope u guys like it 💪🏻💛#MasterSecondSingle #வாத்திகம்மிங்ஒத்து 🔥@actorvijay @Dir_Lokesh @anirudhofficial @SonyMusicSouth @Jagadishbliss @Lalit_SevenScr @XBFilmCreators @KikiVijay pic.twitter.com/FkZhmZ1ZFA
— Shanthnu (@imKBRshanthnu) March 13, 2020
പ്രശസ്ത സിനിമ താരങ്ങൾ ഭാഗ്യരാജ്- പൂർണിമ ഭാഗ്യരാജ് ദമ്പതികളുടെ മകനാണ് ശാന്തനു. 1998ൽ പുറത്തിറങ്ങിയ ‘വെട്ടിയെ മടിച്ചു കട്ട്‌ ‘ എന്ന ചിത്രത്തിലൂടെ താരം തമിഴ് സിനിമയിലേക്ക് കടന്നുവരുന്നത്. പിന്നീട് മലയാളത്തിൽ മോഹൻലാൽ ചിത്രമായ ഏഞ്ചൽ ജോണിൽ താരം ശ്രദ്ധേയമായ വേഷം കൈകാര്യം ചെയ്തിരുന്നു. മാസ്റ്ററിൽ വിജയുടെയൊപ്പം നല്ലൊരു ഡാൻസ് നമ്പർ ശാന്തനുവിനും ഉണ്ടാവുമെന്ന പ്രതീക്ഷയിലാണ് സിനിമ പ്രേമികൾ.
