കമ്പ്ലീറ്റ് ആക്ടര്‍ മോഹന്‍ലാല്‍ നായകനാകുന്ന ചിത്രം വില്ലന്‍, ഒരു മാസ്സ് മസാല പാക്കേജ് അല്ലെന്ന് രചയിതാവും സംവിധായകനുമായ ബി. ഉണ്ണികൃഷ്ണന്‍.!
ആദ്യ പ്രിവ്യുഷോക്കു ശേഷം വന്ന ഫേസ്ബുക്ക് ലൈവിലാണ് അദ്ദേഹം ഇക്കാര്യം അറിയിച്ചത്. യാതൊരുവിധ മുന്‍വിധികളുമായ് വില്ലനെ സമീപിക്കേണ്ടതില്ലെന്നും ലൈവില്‍ അദ്ദേഹം കൂട്ടിച്ചേര്‍ക്കുന്നു. കൃത്യമായ പ്രമേയത്തെ അടിസ്ഥാനമാക്കി പോകുന്ന, പ്രേഷകരോട് ചിലത് വിളിച്ചുപറയാന്‍ ആഗ്രഹിക്കുന്നചിത്രമാണിതെന്നും, എന്നാല്‍ എല്ലാവിധ പ്രേഷകരെയും സന്തോഷിപ്പിക്കുന്ന തരത്തിലുള്ള, ഒരു നല്ല ത്രില്ലറിന്‍റെ എല്ലാ പിരിമുറുക്കങ്ങളോടും കൂടിയാണ് ചിത്രം ഒരുക്കിയിരിക്കുന്നതെന്നും സംവിധായകന്‍ അവകാശപ്പെടുന്നു.
തന്‍റെ മുന്‍ ലാല്‍ ചിത്രങ്ങളില്‍ ഒരു അവകാശവാദങ്ങളും ഉന്നയിക്കുന്നില്ലെന്നും, പക്ഷേ വില്ലന്‍ ഒരു പുതിയ അനുഭവമായിരിക്കുമെന്നും ബി. ഉണ്ണികൃഷ്ണന്‍ ലൈവില്‍ കൂട്ടിച്ചേര്‍ക്കുന്നു. മോഹന്‍ലാലിന്‍റെ അഭിനയത്തെ ‘ക്ലാസ്സ്’ എന്നാണ് അദ്ദേഹം വിശേഷിപ്പിച്ചത്.
” എന്‍റെ കഴിഞ്ഞ നാലു ചിത്രങ്ങളിലും ഞാന്‍ ലാല്‍ സാറിനെ വ്യത്യസ്തമായ് അവതരിപ്പിക്കാനാണ് ശ്രമിച്ചത്. എന്നാല്‍ എന്‍റെ നാലു സിനിമകളില്‍ ശ്രീ. മോഹന്‍ലാലിന്‍റെ ഏറ്റവും മികച്ച അഭിനയം വില്ലനിലായിരിക്കും. ലാല്‍ സര്‍ നിങ്ങളെ വിസ്മയിപ്പിക്കും. മാത്യു മാഞ്ഞൂരാന്‍ എന്ന കഥാപാത്രത്തെ അദ്ദേഹം അവതരിപ്പിച്ചതിനെ ക്ലാസ്സ് എന്നേ പറയാനാകൂ..”
സംവിധായകന്‍റെ വാക്കുകള്‍..
ഈ മാസം 27നു റിലീസ് ആകുന്ന വില്ലന്‍ ഇതോടകം തന്നെ റെക്കോര്‍ഡുകള്‍ വാരിക്കൂട്ടി കുതിക്കുകയാണ്. മറ്റൊരു ലാല്‍ മാജിക്കിനായ് കാത്തിരിക്കാം.
