ദിലീപ് നായകനായ ബിഗ് ബജറ്റ് ചിത്രം കമ്മാര സംഭവത്തിന്റെ തിയേറ്റർ ലിസ്റ്റ് പുറത്തുവിട്ടു. ബിഗ് ബജറ്റ് ചിത്രമായ കമ്മാര സംഭവം കേരളത്തിനകത്തും പുറത്തുമായി വമ്പൻ റിലീസായാണ് നാളെ പുറത്തിറങ്ങുന്നത്. വേനലവധിയും വിഷുക്കാലവും ആയതിനാൽ തന്നെ ചിത്രം വലിയ ജനത്തിരക്ക് പ്രതീക്ഷിക്കുന്നു. ദിലീപ് നായകനായ ചിത്രത്തിൻറെ സംവിധാനം പ്രതീക്ഷ അമ്പാട്ടാണ്. സംവിധായകനും നിർമാതാവുമായ എല്ലാം പ്രവർത്തിച്ച രതീഷ് അമ്പാട്ട് ആദ്യമായി സംവിധാനം ചെയ്യുന്ന ചിത്രമാണ് കമ്മാരസംഭവം. ബ്രിട്ടീഷ് കാലഘട്ടത്തെ കഥപറയുന്ന ചിത്രം കമ്മാരൻ നമ്പ്യാർ എന്ന വ്യക്തിയുടെ ജീവിതം ആസ്പദമാക്കിയാണ് നീങ്ങുന്നത്. ചിത്രത്തിൽ കമ്മാരൻ നമ്പ്യാരായി ദിലീപ് എത്തുമ്പോൾ, ഒതേനൻ നമ്പ്യാർ എന്ന സുപ്രധാന കഥാപാത്രമായി തെന്നിന്ത്യൻ സൂപ്പർ താരം സിദ്ധാർഥും എത്തുന്നു.
ഈ അടുത്തകാലത്ത്, ലെഫ്റ്റ് റൈറ്റ് ലെഫ്റ്റ്, ടിയാൻ തുടങ്ങിയ മികച്ച ചിത്രങ്ങൾക്ക് തിരക്കഥ രചിച്ച മുരളി ഗോപിയാണ് ചിത്രത്തിന്റെ തിരക്കഥാകൃത്ത്. സിദ്ധാർത്ഥിനെ കൂടാതെ തമിഴിൽ നിന്ന് ബോബി സിംഹയും ചിത്രത്തിലുണ്ട്. നമിത പ്രമോദ് മുരളിഗോപി ശ്വേതാ മേനോൻ, തുടങ്ങിയവരും ചിത്രത്തിൽ പ്രധാന വേഷങ്ങൾ അവതരിപ്പിക്കുന്നു. ഗോപീസുന്ദറാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. നിരവധി പരസ്യചിത്രങ്ങൾക്ക് ക്യാമറ ചലിപ്പിച്ച കെ. എസ്. സുനിലാണ് കമ്മാരസംഭവത്തിനായി ഛായാഗ്രഹണം നിർവഹിച്ചത്. കുറച്ചു ദിവസങ്ങൾക്കു മുൻപ് പുറത്തിറങ്ങിയ ചിത്രത്തിലെ ട്രൈലറുകൾ സോഷ്യൽ മീഡിയയിൽ വളരെയധികം തരംഗം സൃഷ്ടിച്ചിരുന്നു. 30 കോടിയോളം മുതൽമുടക്കിൽ ഒരുക്കിയ ഈ ബിഗ്ബജറ്റ് ചിത്രം ശ്രീ ഗോകുലം മൂവിസിനുവേണ്ടി ഗോകുലം ഗോപാലനാണ് നിർമിച്ചിരിക്കുന്നത്.
