മലയാളത്തിന്റെ യുവ താരം ദുൽഖർ സൽമാൻ ഇപ്പോൾ ഒരു ബോളിവുഡ് ചിത്രത്തിൽ അഭിനയിക്കുകയാണ്. കാർവാൻ, സോയ ഫാക്ടർ എന്നീ ചിത്രങ്ങൾക്ക് ശേഷം ദുൽഖർ അഭിനയിക്കുന്ന ഈ ബോളിവുഡ് ചിത്രം സംവിധാനം ചെയ്യുന്നത് പ്രശസ്ത സംവിധായകനായ ആർ ബാൽകി ആണ്. ഇപ്പോഴിതാ ഈ ചിത്രത്തിന്റെ ടൈറ്റിൽ വീഡിയോ പുറത്തു വിട്ടിരിക്കുകയാണ് ചിത്രത്തിന്റെ അണിയറ പ്രവർത്തകർ. ചുപ്- റിവഞ്ച് ഓഫ് ദി ആർട്ടിസ്റ്റ് എന്നാണ് ഈ ചിത്രത്തിന് നൽകിയിരിക്കുന്ന പേര്. ബോളിവുഡ് താരം സണ്ണി ഡിയോൾ ആണ് ഈ ചിത്രത്തിൽ ദുൽഖർ സൽമാനൊപ്പം പ്രധാന വേഷം ചെയ്യുന്നത്. ഇവർക്കൊപ്പം ശ്രേയ ധന്വന്തരി, പൂജ ഭട്ട് എന്നിവരും ഈ ചിത്രത്തിലെ പ്രധാന കഥാപാത്രങ്ങൾക്ക് ജീവൻ പകരുന്നു. ബോളിവുഡ് ഇതിഹാസമായ അമിതാബ് ബച്ചൻ ഈ ചിത്രത്തിൽ അതിഥി വേഷത്തിൽ എത്തുമെന്നും റിപ്പോർട്ടുകൾ വന്നിരുന്നു. ബാൽകിയുടെ ചിത്രങ്ങളിൽ സ്ഥിരം സാന്നിധ്യമായ അമിതാബ് ബച്ചൻ ഈ ചിത്രത്തിലും ഉണ്ടാവുമെന്ന് സംവിധായകൻ തന്നെ പറയുകയും ചെയ്തിരുന്നു.
After watching this, one cannot stay #Chup! I have so many questions, what an intriguing poster! Eagerly looking forward to it, #RBalki.#ChupRevengeOfTheArtist @iamsunnydeol @dulQuer @shreya_dhan13 @PoojaB1972 @HopeProdn @RajaSen @ItsAmitTrivedi pic.twitter.com/loCcFZwJnp
— Akshay Kumar (@akshaykumar) October 10, 2021
അടുത്ത വർഷമാണ് ഈ ചിത്രം റിലീസിന് എത്തുക. ദുൽഖറിന്റെ ആദ്യ രണ്ടു ഹിന്ദി ചിത്രങ്ങളും കൊമേർഷ്യൽ വിജയങ്ങൾ ആയില്ല എങ്കിലും. ആദ്യ ചിത്രമായ കാർവാൻ നിരൂപക പ്രശംസ നേടിയിരുന്നു. രണ്ടാം ചിത്രമായ സോയ ഫാക്ടർ ആണ് പ്രതീക്ഷക്കു വിപരീതമായ രീതിയിൽ പ്രകടനം കാഴ്ച വെച്ച് നിരാശ നൽകിയത്. ഏതായാലും തന്റെ ആദ്യത്തെ ബോളിവുഡ് ഹിറ്റ് ഈ ബാൽകി ചിത്രത്തിലൂടെ ദുൽഖർ നേടുമെന്നാണ് ആരധകരുടെ പ്രതീക്ഷ. ഇത് കൂടാതെ തെലുങ്കിലും തമിഴിലും ഓരോ ചിത്രങ്ങൾ ദുൽകർ അഭിനയിച്ചു ഇനി റിലീസ് ചെയ്യാനുണ്ട്. മലയാളത്തിൽ കുറുപ്പ്, സല്യൂട്ട് എന്നീ രണ്ടു ചിത്രങ്ങളാണ് ദുൽഖർ അഭിനയിച്ചു റിലീസ് ചെയ്യാനുള്ളത്.
