ഈ കഴിഞ്ഞ ജനുവരി ഇരുപത്തിയാറിനു ഡിസ്‌നി പ്ലസ് ഹോട്ട് സ്റ്റാറിൽ നേരിട്ട് റിലീസ് ആയി പാൻ ഇന്ത്യൻ ലെവലിൽ ബ്ലോക്ക്ബസ്റ്റർ വിജയം നേടിയ മലയാള ചിത്രമാണ് മോഹൻലാൽ നായകനായ ബ്രോ ഡാഡി. പൃഥ്വിരാജ് സുകുമാരൻ സംവിധാനം ചെയ്യുകയും ഒരു പ്രധാന വേഷം അഭിനയിക്കുകയും ചെയ്ത ഈ ഫാമിലി കോമഡി എന്റെർറ്റൈനെർ ചിത്രം ഓൾ ഇന്ത്യ തലത്തിൽ ഒറ്റിറ്റിയിൽ രണ്ടു ഓൾ ടൈം റെക്കോർഡുകൾ ആണ് സൃഷ്ടിച്ചത്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രത്തിൽ ലാലു അലക്സ്, കല്യാണി പ്രിയദർശൻ, കനിഹ, മീന, ജഗദീഷ്, ഉണ്ണി മുകുന്ദൻ, സൗബിൻ ഷാഹിർ, മല്ലിക സുകുമാരൻ എന്നിവരും അഭിനയിച്ചിട്ടുണ്ട്. ജോൺ കാറ്റാടി, ഈശ്ശോ കാറ്റാടി എന്നീ പേരുകളിൽ അച്ഛനും മകനും ആയാണ് മോഹൻലാൽ- പൃഥ്വിരാജ് ടീം ഇതിൽ അഭിനയിച്ചത്. കുര്യൻ എന്ന കഥാപാത്രമായി ലാലു അലക്‌സും ഇതിൽ തകർത്താടിയിട്ടുണ്ട്.
ഇപ്പോൾ വരുന്ന ചില വാർത്തകൾ പറയുന്നത് ഈ ചിത്രം തെലുങ്കിലേക്ക് റീമേക് ചെയ്യാൻ പോവുകയാണ് എന്നാണ്. സുരേഷ് പ്രൊഡക്ഷൻസ് ആണ് ഇതിന്റെ റീമേക് അവകാശം വാങ്ങുന്നത് എന്നും റിപ്പോർട്ടുകൾ പറയുന്നു. മോഹൻലാൽ ചെയ്ത നായക വേഷം ചെയ്യാൻ പോകുന്നത് തെലുങ്കു സൂപ്പർ താരം വെങ്കടേഷ് ആണെന്നും പൃഥ്വിരാജ് ചെയ്ത മകൻ വേഷം ചെയ്യുക റാണ ദഗ്ഗുബതി ആണെന്നും വാർത്തകൾ വരുന്നുണ്ട്. ഒഫീഷ്യൽ ആയി പ്രഖ്യാപനം ഒന്നും ഉണ്ടായിട്ടില്ല എങ്കിലും ഇത്തരമൊരു വാർത്തയാണ് ഇപ്പോൾ തെലുങ്കു മാധ്യമങ്ങളിൽ പ്രചരിക്കുന്നത്. വെങ്കടേഷിന്റെ സ്വന്തം പ്രൊഡക്ഷൻ ബാനർ ആണ് സുരേഷ് പ്രൊഡക്ഷൻസ്. മലയാള ചിത്രമായ അയ്യപ്പൻ കോശി തെലുങ്കിൽ റീമേക് ചെയ്തപ്പോൾ അതിലും പൃഥ്വിരാജ് ചെയ്ത വേഷം അവതരിപ്പിച്ചത് റാണ ദഗ്ഗുബതി ആയിരുന്നു.
