പ്രശസ്ത ബോളിവുഡ് താരമായ നടി ആലിയ ഭട്ട് മലയാളത്തിന്റെ സ്വന്തം ദുൽഖർ സൽമാന്റെ കുഞ്ഞുമക്കൾ മറിയത്തിന് വമ്പൻ സർപ്രൈസ് നൽകിയിരിക്കുകയാണ്. കുഞ്ഞു മറിയത്തിനായി ആലിയ ഭട്ട് സമ്മാനങ്ങൾ അയച്ച് നൽകിയിരുന്നു. ഇപ്പോഴിതാ ദുൽഖർ സൽമാൻ ആലിയ ഭട്ട് നൽകിയ സമ്മാനങ്ങൾ എന്തെല്ലാമാണെന്ന് തന്റെ ഇൻസ്റ്റാഗ്രാം പേജിലൂടെ സ്റ്റോറിയായി നൽകിയിരിക്കുകയാണ്. ആലിയ ഭട്ടിനോടുള്ള ദുൽഖറിന്റെ ആരാധന മുൻപ് അദ്ദേഹം വെളിപ്പെടുത്തിയിട്ടുള്ളതാണ്. കുഞ്ഞ് മറിയം വളർന്നുവരുമ്പോൾ അലിയെ പോലെ ആവണം എന്നാണ് തന്റെ ആഗ്രഹം എന്നും ദുൽഖർ തുറന്നു പറഞ്ഞിട്ടുണ്ട്. താരങ്ങൾക്കിടയിലെ ഈ താരാരാധന ദുൽഖർ ആരാധകർ വലിയ കൗതുകത്തോടെയാണ് നോക്കിക്കാണുന്നത്. ആലിയ നൽകിയ സമ്മാനങ്ങൾ മറിയത്തിനുള്ള ഒരു കുറിപ്പ് കൂടിയുണ്ട്. താൻ അയച്ച സമ്മാനങ്ങൾ മറിയത്തിന് ഇഷ്ടമാകും എന്ന് കരുതുന്നു എന്ന കുറിപ്പിൽ പറയുന്നു.
ആലിയുടെ ഈ കുറുപ്പും ദുൽഖർ ഇൻസ്റ്റഗ്രാമിലൂടെ പങ്കുവെച്ചിട്ടുണ്ട്. സ്നേഹസമ്മാനം സ്വീകരിച്ചുകൊണ്ടുള്ള ദുൽഖറിന്റെ ഇൻസ്റ്റാഗ്രാം സ്റ്റോറി ആലിയും പങ്കുവെച്ചിട്ടുണ്ട്. താരങ്ങൾക്കിടയിലെ ഈ സൗഹൃദബന്ധം ആരാധകരും പ്രമുഖ മാധ്യമങ്ങളും ഇതിനോടകം ഏറ്റെടുത്തു കഴിഞ്ഞു. ആലിയയോടുള്ള തന്റെ ആരാധന ഒരു അഭിനേതാവ് എന്ന നിലയിലാണുള്ളതെന്നും അതൊരു ക്രഷ് അല്ലയെന്നും ദുൽഖർ വ്യക്തമാക്കിയിട്ടുണ്ട്.
