Advertisement
ഇന്നലെ മുതൽ സോഷ്യൽ മീഡിയകൾ തുറന്നാൽ പ്രധാന വാർത്ത ബിലാലിന്റെ തിരിച്ചു വരവാണ്. കേരളത്തിന്റെ ഫുഡ്ബോൾ തരംഗം പോലും ബിലാലിന് മുന്നിൽ ഒന്നും അല്ലാതെയായി പോയപോലെ. മെഗാസ്റ്റാർ മമ്മൂട്ടിയുടെ ആരാധകരും സിനിമ പ്രേമികളും തുടങ്ങി മലയാള സിനിമയിലെ മുൻനിര താരങ്ങളും വരെ ബിലാലിന്റെ തിരിച്ചുവരവ് ആഘോഷം ആക്കി.
സംവിധായകൻ അമൽ നീരദ് തന്നെയാണ് ചിത്രത്തിന്റെ ഒഫീഷ്യൽ പ്രഖ്യാപനം നടത്തിയത്. ബിലാൽ എന്ന് പേരിട്ടിരിക്കുന്ന ബിഗ് ബിയുടെ രണ്ടാം ഭാഗം 2018ൽ തിയേറ്ററുകളിൽ എത്തും.
Advertisement
മലയാളത്തിലെ എക്കാലത്തെയും സ്റ്റൈലിഷ് സിനിമകളിൽ ഒന്നായാണ് ബിഗ് ബി അറിയപ്പെടുന്നത്. വ്യത്യസ്തമായ മേക്കിങ് രീതികൾ കൊണ്ടും കഥാപാത്രങ്ങളുടെ പുത്തൻ ലുക്കുകൾ കൊണ്ടും ബിഗ് ബി ഇന്നും പ്രേക്ഷകർക്ക് പ്രിയപ്പെട്ടതാണ്.
ആദ്യ ഭാഗത്തിലെ കഥാപാത്രങ്ങളും അണിയറ പ്രവർത്തകരും രണ്ടാം ഭാഗത്തിലും തുടരും എന്നാണ് സൂചന.
