മലയാളത്തിലെ നടിമാർ ഇപ്പോൾ സദാചാര വാദികൾക്ക് എതിരെ സമൂഹ മാധ്യമങ്ങളിൽ വലിയ ക്യാമ്പെയ്ൻ നടത്തികൊണ്ടിരിക്കുകയാണ്. അനശ്വര രാജന് പിന്തുണയുമായി ആദ്യം രംഗത്ത് വന്നത് റിമ കല്ലിങ്കൽ ആയിരുന്നു. കാലുകൾ കാണിച്ചു ചിത്രം പങ്കുവെച്ചതിനാണ് അനശ്വരയ്ക്ക് വിമർശനങ്ങൾ നേരിടേണ്ടി വന്നത്. സദാചാര വാദികൾക്ക് ചുട്ട മറുപടി എന്ന നിലയിൽ റിമ കല്ലിങ്കൽ ഒരു സ്വിമ്മിങ് സ്യുട്ടിൽ നിൽക്കുന്ന ചിത്രം സമൂഹ മാധ്യമങ്ങളിൽ പങ്കുവെക്കുകയുണ്ടായി. വുമൺ ഹാവ് ലെഗ്‌സ് എന്ന ഹാഷ്ടാഗോട് കൂടിയാണ് ഷെയർ ചെയ്തത്. റിമ കല്ലിങ്കൽ തുടങ്ങി വെച്ച ഈ ഹാഷ്ടാഗ് മലയാളത്തിലെ യുവനടിമാർ ഏറ്റടുക്കുകയായിരുന്നു. പതിനെട്ടാം പടി എന്ന ചിത്രത്തിലൂടെ ശ്രദ്ധേയയായ അർഷ ബൈജുവിന്റെ പോസ്റ്റാണ് ഇപ്പോൾ സമൂഹ മാധ്യമങ്ങളിൽ ശ്രദ്ധ നേടുന്നത്.
അർഷ ബൈജു തന്റെ കാലുകൾ കാണിച്ചുകൊണ്ടുള്ള ചിത്രം ഇൻസ്റ്റാഗ്രാമിൽ ഷെയർ ചെയ്തിരിക്കുകയാണ്. വളരെ മനോഹരമായ ഒരു അടിക്കുറിപ്പാണ് താരം ചിത്രത്തിന് നൽകിയിരിക്കുന്നത്. സംസ്കാരത്തിന് ചൊറിയുന്നു എങ്കിൽ മാറി ഇരുന്നു മാന്തിക്കോളു എന്നാണ് അർഷ ബൈജു ക്യാപ്‌ഷനായി നൽകിയിരിക്കുന്നത്. താരത്തിന് പിന്തുണയുമായി സിനിമ പ്രേമികൾ കമെന്റ് ബോക്സിൽ അഭിപ്രായങ്ങളും രേഖപ്പെടുത്തിയിട്ടുണ്ട്. ഷെയ്ൻ നിഗം നായകനായിയെത്തുന്ന ഖുർബാനി എന്ന ചിത്രത്തിൽ നായിക വേഷം കൈകാര്യം ചെയ്യുന്നത് അർഷ ബൈജുവാണ്. ശങ്കർ രാമകൃഷ്ണൻ സംവിധാനം ചെയ്ത പതിനെട്ടാം പടി എന്ന ചിത്രത്തിലൂടെയാണ് അർഷ മലയാള സിനിമയിലേക്ക് കടന്നു വരുന്നത്. അർഷ ബൈജുവിനെ പോലെ തന്നെ ഒരുപാട് നായികമാർ റിമ കല്ലിങ്കലിന്റെ ചലഞ്ചിന് പിന്തുണ നൽകിയിട്ടുണ്ട്. നസ്രിയ, അഹാന, അനാർക്കലി, അന്ന ബെൻ തുടങ്ങിയ താരങ്ങൾ കാലുകൾ കാണിച്ചുകൊണ്ടുള്ള ലെഗ് ഡേ ഫോട്ടോസ് ഇൻസ്റ്റാഗ്രാമിൽ പങ്കുവെച്ചിട്ടുണ്ട്.
ഫോട്ടോ കടപ്പാട്: Aswin Ps
https://www.instagram.com/p/CFKuNjjJNVx/
