മലയാള സിനിമയുടെ മുൻനിരയിൽ നിറഞ്ഞു നിൽക്കുന്ന നായികാ താരമാണ് അനുശ്രീ. ലാൽ ജോസ് സംവിധാനം ചെയ്ത ഡയമണ്ട് നെക്‌ലേസ് എന്ന സൂപ്പർ ഹിറ്റ് ചിത്രത്തിൽ ഫഹദ് ഫാസിലിന്റെ നായികാ വേഷം ചെയ്ത് അരങ്ങേറ്റം കുറിച്ച ഈ നടി ഒരുപാട് വൈകാതെ തന്നെ മലയാളത്തിലെ മികച്ച നടിമാരിലൊരാളായി പേരെടുത്തു. മാത്രമല്ല ഒട്ടേറെ ചിത്രങ്ങളിലൂടെ മലയാള സിനിമാ പ്രേമികളുടെ ഇഷ്ടനടിമാരിലൊളായി കൂടി അനുശ്രീ മാറി. കോമേഡിയും വഴങ്ങുന്ന ചുരുക്കം ചില നായികമാരിലൊരാൾ എന്നതാണ് ഈ നടിയുടെ ഏറ്റവും വലിയ ശ്കതി. അനുശ്രീയെ വളരെ ബോൾഡ് ആയ കഥാപാത്രങ്ങൾ ചെയ്തു നമ്മൾ കണ്ടിട്ടുണ്ടെങ്കിലും ഒരു ഗ്രാമീണ പെൺകുട്ടി ആയി ട്രഡീഷണൽ വസ്ത്രങ്ങളിലാണ് കൂടുതലും പ്രേക്ഷകർ കാണാനിഷ്ടപ്പെടുന്നത്. ഇപ്പോഴിതാ മോഡേൺ വസ്ത്രങ്ങളിൽ പ്രത്യക്ഷപ്പെട്ട അനുശ്രീക്ക് വിമർശനവുമായി ചില ആരാധകരെത്തി. അവർക്കു അനുശ്രീ നൽകിയ മറുപടിയാണ് ശ്രദ്ധ നേടുന്നത്.
മോഡലായി വീട്ടിലെ മുറ്റത്തു അച്ഛനും അമ്മയും കുടുംബക്കാരുമൊക്കെ ചേർന്ന് നടത്തിയ ഫോട്ടോഷൂട്ടിലെ ചിത്രങ്ങളാണ് അനുശ്രീ ഇൻസ്റാഗ്രാമിലൂടെ പങ്കു വെച്ചത്. വസ്ത്രം ബോർ ആണെന്ന് ഒരു ആരാധിക നൽകിയ കമന്റിന് ആണ് അനുശ്രീ മറുപടി നൽകുന്നത്. എപ്പോഴും ട്രഡീഷണൽ ഡ്രെസ് മാത്രം ഇട്ടാൽ പോരല്ലോ. ഞാൻ ചെയ്ത കഥാപാത്രങ്ങൾ കാരണം അങ്ങനെ തോന്നുന്നതാ, എന്നാണ് അനുശ്രീ ആ ആരാധികക്ക് നൽകിയ മറുപടി. ഏകദേശം മുപ്പതോളം ചിത്രങ്ങളിൽ അഭിനയിച്ചു കഴിഞ്ഞ അനുശ്രീ മോഹൻലാൽ, മമ്മൂട്ടി, ദിലീപ് തുടങ്ങിയ മലയാളത്തിലെ സൂപ്പർ താരങ്ങൾക്കൊപ്പവും അഭിനയിച്ചിട്ടുണ്ട്. ദിലീപ് നായകനായ മൈ സാന്റാ ആയിരുന്നു അനുശ്രീയുടെ അവസാനം റിലീസായ ചിത്രം.
