പ്രേമം ഫെയിം അനുപമ പരമേശ്വരൻ തമിഴ് നടൻ കാർത്തിയുടെ അടുത്ത ചിത്രത്തിൽ നായികയായെത്തുന്നു. പസങ്ക എന്ന ചിത്രത്തിലൂടെ ദേശീയ അവാര്‍ഡ് നേടിയ പാണ്ഡിരാജ് സംവിധാനം ചെയ്യുന്ന ചിത്രം കാർത്തിയുടെ സഹോദരൻ സൂര്യയുടെ ഉടമസ്‌ഥതയിലുള്ള 2D എന്റർടൈന്മെന്റ്‌സാണ് നിർമ്മിക്കുന്നത്.
ചിത്രത്തിലെ രണ്ട് നായികമാരിൽ ഒരാളായാണ് അനുപമ എത്തുക. നേരത്തെ കൊടി എന്ന ധനുഷ് ചിത്രത്തിൽ ധനുഷിന്‍റെ ജോഡിയായി അനുപമ അഭിനയിച്ചിരുന്നു.
ഡി ഇമ്മൻ സംഗീതം കൈകാര്യം ചെയ്യുന്ന ചിത്രം ഒരു പക്കാ എന്റെർറ്റൈനെർ ആയിരിക്കുമെന്നാണ് സൂചന. പ്രേമത്തിലെ മേരി എന്ന കഥാപാത്രത്തെ ആരാധകർ ഏറ്റെടുത്തതോടെ തെലുങ്കിലും തമിഴിലുമായി കൈനിറയെ ചിത്രങ്ങളാണ് അനുപമയ്ക്ക്.
കാർത്തിയുടെ നായികയായി അനുപമ എത്തുന്നത് കാണാൻ കാത്തിരിക്കുകയാണ് ആരാധകർ. അതേസമയം എച്ച്. വിനോദിന്റെ ധീരൻ അധികാരം ഒൻട്ര് എന്ന ചിത്രത്തിൽ അഭിനയിക്കുകയാണ് കാർത്തിയിപ്പോൾ.
