ബോളിവുഡിലെ എന്ന് മാത്രമല്ല ഇന്ത്യൻ സിനിമയിലെ തന്നെ ഏറ്റവും നല്ല നടന്മാരിൽ ഒരാളായി അറിയപ്പെടുന്ന ആളാണ് അനുപം ഖേർ. മലയാളത്തിലും ഏതാനും ശ്രദ്ധേയ ചിത്രങ്ങൾ ചെയ്തിട്ടുള്ള അദ്ദേഹം പ്രേക്ഷകർക്ക് മുന്നിൽ എത്തിച്ചിട്ടുള്ളത്‌ ഒരിക്കലും മറക്കാനാവാത്ത ഒട്ടേറെ കഥാപാത്രങ്ങൾ ആണ്. നായകൻ ആയും വില്ലനായും സഹനടനായുമെല്ലാം അഭിനയിച്ചിട്ടുള്ള അദ്ദേഹം ഹാസ്യ വേഷങ്ങളിലും തിളങ്ങിയിട്ടുണ്ട്. ഇപ്പോഴിതാ തെലുഗ് സൂപ്പർ താരം അല്ലു അർജുനെ പ്രശംസിച്ചു മുന്നോട്ടു വന്നിരിക്കുകയാണ് അനുപം ഖേർ. അല്ലു അർജുൻ നായകനായ ബ്ലോക്ക്ബസ്റ്റർ ചിത്രം പുഷ്പ കണ്ടതിനു ശേഷമാണു അല്ലു അർജുൻ ഒരു റോക്ക് സ്റ്റാർ ആണെന്ന വിശേഷണവുമായി അനുപം ഖേർ രംഗത്ത് വന്നത്. പുഷപ കണ്ടു എന്നും, എല്ലാ അർത്ഥത്തിലും ഇതൊരു ബ്ലോക്ക്ബസ്റ്റർ ചിത്രമാണെന്നും അനുപം ഖേർ പറയുന്നു.
ജീവിതത്തിൽ കാണാൻ സാധിക്കുന്നതല്ല ഈ ചിത്രത്തിൽ കാണുന്നത് എങ്കിലും മികച്ച ആവേശം പകരുന്ന, പൈസ വസൂലാക്കിയ ചിത്രമാണ് പുഷ്പ എന്ന് അനുപം ഖേർ കുറിക്കുന്നു. അല്ലു അർജുൻ ഒരു റോക്ക് സ്റ്റാർ ആണെന്നും അല്ലുവിന്റെ എല്ലാ ചലനങ്ങളും പെരുമാറ്റവും തനിക്കു ഇഷ്ടപ്പെട്ടു എന്നും പറഞ്ഞ അനുപം ഖേർ അല്ലുവിനൊപ്പം പ്രവർത്തിക്കുവാൻ വേണ്ടി കാത്തിരിക്കുന്നു എന്നും ട്വിറ്ററിൽ കുറിച്ചു. സുകുമാർ ഒരുക്കിയ ഈ ചിത്രം മുന്നൂറ് കോടി കളക്ഷൻ മറികടന്നു അല്ലു അർജുന്റെ കരിയറിലെ ഏറ്റവും വലിയ വിജയമായി മാറിയിരുന്നു. രണ്ടു ഭാഗങ്ങൾ ആയി ഒരുക്കുന്ന ഈ ചിത്രത്തിന്റെ ആദ്യത്തെ ഭാഗമാണ് ഇപ്പോൾ പുറത്തു വന്നിരിക്കുന്നത്. മലയാളി താരം ഫഹദ് ഫാസിൽ വില്ലനായ ഈ ചിത്രത്തിൽ രശ്‌മിക മന്ദാന ആണ് നായികാ വേഷം ചെയ്യുന്നത്.
ഫോട്ടോ കടപ്പാട്: Babi photography
Watched #Pushpa!! BLOCKBUSTER of a film in real sense. Larger than life, high on adrenal and full paisa Vasool. And dear @alluarjun you are a #Rockstar!! Loved every nuance & attitude of yours. Hope to work with you soon. A big CONGRATULATIONS to the whole team! Jai Ho!👏😍👏🙌 pic.twitter.com/DJjYKWSzzU
— Anupam Kher (@AnupamPKher) January 28, 2022
