മലയാളത്തിലെ പ്രശസ്ത നടിയായ ഐശ്വര്യ ലക്ഷി ഇനി നിർമ്മാതാവായും അരങ്ങേറ്റം കുറിക്കുകയാണ്. താൻ നിർമ്മിക്കുന്ന ആദ്യ ചിത്രത്തിന്റെ ഫസ്റ്റ് ലുക്ക് പോസ്റ്റർ ഐശ്വര്യ ലക്ഷ്മി തന്നെയാണ് സോഷ്യൽ മീഡിയയിലൂടെ പങ്കു വെച്ചത്. ഗാർഗി എന്ന് പേരിട്ടിരിക്കുന്ന ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത് തെന്നിന്ത്യൻ സൂപ്പർ നായികയായ സായി പല്ലവിയാണ്. ഗൗതം രാമചന്ദ്രൻ രചിച്ചു സംവിധാനം ചെയ്യുന്ന ഈ ചിത്രം ബ്ലാക്കി ജീനി ആൻഡ് മൈ ലെഫ്റ്റ് ഫുട് പ്രൊഡക്ഷൻസ് എന്ന ബാനറിലാണ് ഐശ്വര്യ ലക്ഷ്മി നിർമ്മിക്കുന്നത്. സായി പല്ലവിക്കൊപ്പം, ഐശ്വര്യ ലക്ഷ്മി, കാളി വെങ്കട് എന്നിവരുമഭിനയിക്കുന്ന ഈ ചിത്രത്തിന്റെ സഹനിർമ്മാതാക്കളായെത്തുന്നത് രവിചന്ദ്രൻ രാമചന്ദ്രൻ, തോമസ് ജോർജ്, ഗൗതം രാമചന്ദ്രൻ എന്നിവരാണ്. ഗോവിന്ദ് വസന്ത സംഗീതമൊരുക്കുന്ന ഈ ചിത്രം തമിഴ്, തെലുങ്കു, കന്നഡ ഭാഷകളിലായാണ് ഒരുങ്ങുന്നത്.
Witness the utmost dedication and effort to bring her to the world. #Gargi ⚖️for you!https://t.co/RSu5IxUJi1#கார்கி #ಗಾರ್ಗಿ #గార్గి#HBDSaiPallavi @Sai_Pallavi92 @prgautham83 #GovindVasantha @Anandapadman @kaaliactor @aishulekshmi @srkalesh @iamKarthikNetha @ravig_official pic.twitter.com/2B994baNNY
— 𝐕𝐢𝐬𝐡𝐧𝐮 𝐓𝐡𝐞𝐣 𝐏𝐮𝐭𝐭𝐚 (@thisisputta) May 9, 2022
നിവിൻ പോളി നായകനായ റിച്ചി എന്ന തമിഴ് ചിത്രമൊരുക്കി ശ്രദ്ധ നേടിയയാളാണ് ഇതിന്റെ സംവിധായകൻ ഗൗതം രാമചന്ദ്രൻ. ശ്രയാന്റി, പ്രേമകൃഷ്ണ അക്കാട് എന്നിവർ ക്യാമറ ചലിപ്പിക്കുന്ന ഈ ചിത്രം എഡിറ്റ് ചെയ്യുന്നത് ഷഫീഖ് മുഹമ്മദ അലിയാണ്. ഹരിഹരൻ രാജുവാണ് ഈ ചിത്രത്തിന്റെ സഹരചയിതാവ്. ഈ ചിത്രം മലയാളത്തിലും മൊഴിമാറ്റിയെത്തുമോ എന്നറിയാനുള്ള ആകാംഷയിലാണ് പ്രേക്ഷകർ. നിവിൻ പോളി ചിത്രം ഞണ്ടുകളുടെ നാട്ടിൽ ഒരിടവേളയിലൂടെ നായികയായി അരങ്ങേറ്റം കുറിച്ച ഐശ്വര്യ ലക്ഷ്മി, ഇപ്പോൾ തമിഴ്, തെലുങ്കു ഭാഷകളിലും അഭിനയിക്കുന്നുണ്ട്. മണി രത്നത്തിന്റെ ബ്രഹ്മാണ്ഡ ചിത്രമായ പൊന്നിയിൻ സെൽവനിലുൾപ്പെടെ ഐശ്വര്യ ലക്ഷ്മി നിർണ്ണായക വേഷം ചെയ്യുന്നുണ്ട്. കുമാരി, ബിസ്മി സ്പെഷ്യൽ എന്നീ ചിത്രങ്ങളാണ് ഐശ്വര്യ ലക്ഷ്മിയഭിനയിച് ഇനി മലയാളത്തിലെത്താനുള്ളത്.
ഫോട്ടോ കടപ്പാട്: ഇൻസ്റ്റാഗ്രാം
