ജോസഫ് എന്ന ചിത്രത്തിലൂടെ ശ്രദ്ധേയയായ നടി ആത്മിയ രാജൻ വിവാഹിതയായി.മറൈൻ എൻജിനീയറായ സനൂപ് ആണ് വരൻ. ഏറെനാളായി പ്രണയത്തിലായിരുന്നു ഇരുവരും. കണ്ണൂരിലെ ലക്സോട്ടിയ ഇന്റര്‍ നാഷണല്‍ കണ്‍വെന്‍ഷന്‍ സെന്റില്‍ അടുത്ത ബന്ധുക്കളുടേയും സുഹൃത്തുക്കളുടേയും സാന്നിധ്യത്തിലായിരുന്നു വിവാഹം.തുളസിമാല അണിഞ്ഞ് സിംപിള്‍ ബ്രൈഡല്‍ ലുക്കിലാണ് താരം വിവാഹവേദിയിലെത്തിയത്. ചൊവ്വാഴ്ച വിവാഹ സല്‍ക്കാരം നടക്കും.
തമിഴിലും തെലുങ്കിലും ഒരു പോലെ നിറഞ്ഞു നില്‍ക്കുന്ന താരമാണ് നടി ആത്മിയ രാജന്‍.വെള്ളത്തൂവല്‍ എന്ന ചിത്രത്തിലൂടെയാണ് ആത്മീയ സിനിമയില്‍ അരങ്ങേറ്റം കുറിച്ചത്. മനം കൊത്തി പറവൈ, റോസ് ഗിത്താറിനാല്‍, കാവിയന്‍ തുടങ്ങിയ ചിത്രങ്ങളില്‍ വേഷമിട്ടു. മലയാളത്തിൽ മാര്‍ക്കോണി മത്തായി എന്ന ചിത്രത്തിലും നായികാ കഥാപാത്രത്തെ അവതരിപ്പിച്ചിരുന്നു. ജോസഫിലെ അഭിനയത്തിന് കേരള ഫിലിം ക്രിട്ടിക് അസോസിയേഷന്‍ പുരസ്‌കാരം താരം സ്വന്തമാക്കിയിരുന്നു.
