മലയാളത്തിലെ പ്രശസ്ത നടന്മാരിൽ ഒരാളാണ് കൃഷ്ണ. നായകനായും സഹനടനായും ഒട്ടേറെ ചിത്രങ്ങളിൽ അഭിനയിച്ചിട്ടുള്ള കൃഷ്ണ മലയാളത്തിന് പുറമെ അന്യ ഭാഷാ ചിത്രങ്ങളിലും അഭിനയിച്ചിട്ടുണ്ട്. ഇപ്പോഴിതാ താൻ ഒപ്പം ജോലി ചെയ്തിട്ടുള്ള സൂപ്പർ താരങ്ങളെ കുറിച്ചും അവരോടൊപ്പമുള്ള അനുഭവങ്ങളും വ്യക്തമാക്കുകയാണ് കൃഷ്ണ. ബിഹൈന്‍ഡ്‌വുഡ്‌സിന് നല്‍കിയ അഭിമുഖത്തിലാണ് കൃഷ്ണ ഈ കാര്യങ്ങൾ വെളിപ്പെടുത്തുന്നത്. കൂടെ അഭിനയിച്ച താരങ്ങളെ കുറിച്ചുള്ള അഭിപ്രായം എന്താണെന്ന ചോദ്യത്തിന് ആണ് കൃഷ്നയുടെ മറുപടി. മഞ്ജു വാര്യർ ഭയങ്കര ഫൺ ആണെന്നും ,അതുപോലെ ശാലിനി ഭയങ്കര പ്രൊഫഷണൽ ആണെന്നും കൃഷ്ണ പറയുന്നു. ദളപതി വിജയെ കുറിച്ച് കൃഷ്ണ പറയുന്നത് അതൊരു പുലിയാണ്, നടക്കുന്നതും ഇരിക്കുന്നതുമൊന്നും നമ്മളറിയില്ല എന്നുമാണ്. ഇങ്ങനെയൊരാളുണ്ടെന്ന് പോലുമറിയില്ല എന്നും ആൾ വളരെ സോഫ്റ്റ് സ്‌പോക്കണാണ് എന്നും കൃഷ്ണ പറയുന്നു.
ഒരു ജാഡയുമില്ലാത്ത മനുഷ്യനാണ് വിജയ് എങ്കിലും, നമ്മള്‍ അദ്ദേഹത്തെ കാണുമ്പോള്‍ ആ ജാഡ ഓട്ടോമാറ്റിക്കലി നമ്മളെ ഫോളോ ചെയ്യും എന്നും ചില ആളുകളുടെ അടുത്ത് നില്‍ക്കുമ്പോള്‍ ഒരു ഓറ വരുമെന്ന് പറയുന്ന പോലെ, വിജയ്‌യുടെ അടുത്ത് നില്‍ക്കുമ്പോള്‍ നമ്മുടെ ബോഡിയില്‍ നിന്ന് സം തിങ് ഈസ് പുള്ളിങ് എന്ന് തോന്നുമെന്നും കൃഷ്ണ പറയുന്നു. മോഹൻലാൽ സാറിന്റെ അടുത്ത് നില്‍ക്കുമ്പോഴും അങ്ങനെയാണ് എന്നും, അതിപ്പൊ അജിത് സാറിന്റെയോ മറ്റ് ഏത് താരങ്ങളുടെയോ അടുത്ത് തോന്നില്ല എന്നും കൃഷ്ണ വെളിപ്പെടുത്തുന്നു. ലാലേട്ടന്‍ എന്ന് പറഞ്ഞാല്‍ നമ്മുടെ ഒരു എന്‍സൈക്ലോപീഡിയ ആണെന്നും, കൂടെ നില്ക്കാൻ സുഖമാണ് എന്നും കൃഷ്ണ വിശദീകരിക്കുന്നു. എന്താ മോനേ കാര്യങ്ങളൊക്കെ എങ്ങനെ പോകുന്നു എന്നൊക്ക ചോദിക്കുന്ന മോഹൻലാൽ, ഒരു നല്ല മനുഷ്യൻ ആണെന്നും കൃഷ്ണ കൂട്ടിച്ചേർത്തു.
