ആക്ഷൻ ഹീറോ ബിജു ഹിന്ദിയിൽ സിങ്കം 3 ആയി റീമേക്ക് ചെയ്യുന്നു

നിവിൻ പോളിയെ നായകനാക്കി ആബ്രിഡ് ഷൈൻ സംവിധാനം ചെയ്ത ചിത്രമായിരുന്നു ആക്ഷൻ ഹീറോ ബിജു. പതിവ് പോലീസ് സിനിമകളുടെ ശൈലികളിൽ നിന്നും മാറി റിയലിസ്റ്റിക്ക് രീതിയിലായിരുന്നു ആക്ഷൻ ഹീറോ ബിജു ആബ്രിഡ് ഷൈൻ അവതരിപ്പിച്ചത്.

മലയാളി പ്രേക്ഷകർ ഈ മാറ്റാതെ ഇരു കൈകളും നീട്ടി സ്വീകരിക്കുകയും ചെയ്തു. ആ വർഷത്തെ ഏറ്റവും വലിയ ഹിറ്റുകളിൽ ഒന്നായിരുന്നു ഈ ചിത്രം. ആക്ഷൻ ഹീറോ ബിജു ഇപ്പോൾ ഹിന്ദിയിലേക്ക് റീമേക്കിന് ഒരുങ്ങുകയാണെന്നാണ് ലഭിക്കുന്ന വിവരങ്ങൾ.

മസാല ചിത്രങ്ങളിലൂടെ ശ്രദ്ധേയനായ രോഹിത് ഷെട്ടിയാണ് ആക്ഷൻ ഹീറോ ബിജുവിന്റെ റീമേക്ക് റൈറ്റ് സ്വന്തമാക്കിയിരിക്കുന്നത്. സിങ്കം 3 എന്ന പേരിലായിരിക്കും ആക്ഷൻ ഹീറോ ബിജു ഹിന്ദിയിൽ എത്തുക. സിങ്കം സീരീസിലെ നായകൻ അജയ് ദേവ്ഗൺ തന്നെയാണ് നായകൻ ആകുക.