കേരളത്തിൽ ഉണ്ടായ നിപ്പ വൈറസ് ആക്രമണത്തെ ആസ്പദമാക്കി വമ്പൻ താരനിരയിൽ ആഷിഖ് അബു ചിത്രമാണ് വൈറസ്. ചിത്രികരണം നടന്നുകൊണ്ടു ഇരിക്കുന്ന ഈ സിനിമക്ക് തന്‍റെ കഥ മോഷ്ടിച്ചതെന്നാരോപിച്ച് സംവിധായകൻ ഉദയ് അനന്തൻ നൽകിയ ഹർജിയിലാണ് സ്റ്റേ. എറണാകുളം സെഷൻസ് കോടതിയാണ് സിനിമയ്ക്ക് സ്റ്റേ ഏർപ്പെടുത്തിയത്…
ടോവിനോ തോമസ്,കുഞ്ചാക്കോ ബോബന്‍, റഹ്മാന്‍, ആസിഫ് അലി, രേവതി, ഇന്ദ്രജിത്ത് സുകുമാരന്‍, ഇന്ദ്രന്‍സ്, സൗബിന്‍ ഷാഹിര്‍, ജോജു ജോര്‍ജ്ജ്, ദിലീഷ് പോത്തന്‍, ഷറഫുദ്ദീന്‍, സെന്തില്‍ കൃഷ്ണന്‍ ,ശ്രീനാഥ് ഭാസി, പാര്‍വ്വതി തിരുവോത്ത്, റിമ കല്ലിങ്കല്‍, പൂര്‍ണിമ ഇന്ദ്രജിത്ത്, രമ്യ നമ്പീശന്‍, മഡോണ സെബാസ്റ്റിയന്‍, തുടങ്ങി വന്‍ താരനിര അണിനിരക്കുന്ന ചിത്രമാണ് വൈറസ്.
ഒപിഎം പ്രൊഡക്ഷന്‍സ് നിർമ്മിക്കുന്ന ഈ ചിത്രത്തിന്റെ സാങ്കേതിക വിഭാഗവും വളരെ വലുതാണ്. രാജീവ് രവി ഛായാഗ്രഹണം നിർവഹിക്കുന്ന ഈ ചിത്രത്തിന് സംഗീതം നൽകുന്നത് സുഷിൻ ശ്യാം ആണ്. മുഹ്‌സിന്‍ പരാരി, സുഹാസ് ഷര്‍ഫു എന്നിവര്‍ ചേര്‍ന്നാണ് ചിത്രത്തിന് തിരക്കഥ രചിച്ചത്.
ജനുവരി ആദ്യവാരമാണ് സിനിമയുടെ ചിത്രീകരണം കോഴിക്കോട്ട് തുടങ്ങിയ ഈ ചിത്രം വിഷുനു തീയേറ്ററുകളിൽ എത്തിക്കാനായിരിന്നു അണിയറ പ്രവർത്തകർ നിശചായിച്ചിരുന്നത്.
