മോഹൻലാലിന്റെ വില്ലൻ കേരള ബോക്സോഫീസിൽ മാത്രം ഇതുവരെ നേടിയത്..

ഈ വർഷം മോഹൻലാൽ ആരാധകരും മലയാള സിനിമാ പ്രേക്ഷകരും ഒരുപോലെ കാത്തിരുന്ന സിനിമയായിരുന്നു ബി ഉണ്ണികൃഷ്ണൻ സംവിധാനം ചെയ്ത വില്ലൻ. ഇമോഷണൽ ത്രില്ലർ ആയി ഒരുക്കിയ സിനിമ എന്നാൽ എല്ലാതരം പ്രേക്ഷകരെയും ആസ്വദിപ്പിക്കുന്ന ഒന്നായിരുന്നില്ല.

മാസ്സ് സിനിമ പ്രതീക്ഷിച്ച് പോയ ആരാധകരെയും സിനിമ പ്രേക്ഷകരെയും വില്ലൻ കുറച്ച് നിരാശപ്പെടുത്തിയെന്ന് പറയാതെ വയ്യ. മോഹൻലാൽ എന്ന നടന്റെ അഭിനയ മികവിലായിരുന്നു വില്ലന്റെ മുന്നേറ്റം പിന്നീട് പ്രേക്ഷകർ കണ്ടത്. 25 ദിവസത്തിനുള്ളിൽ 16 കോടിക്ക് മുകളിലാണ് കേരള ബോക്സ് ഓഫീസിൽ നിന്ന് വില്ലൻ നേടിയത്.

കേരളത്തിന് പുറത്തും റിലീസ് ചെയ്ത വില്ലിന്റെ ഔട്ട് സൈഡ് കേരള കലക്ഷൻ ഇതുവരെ ലഭ്യമല്ല. റിലീസിങ്ങിന് മുന്നേ തന്നെ പത്തുകോടിയിലധികം രൂപയുടെ ബിസിനസ് വില്ലന് നടന്നിരുന്നു.