Sunday, January 16

ബാഹുബലിയേയും വെല്ലുന്ന ബ്രഹ്മാണ്ഡ സെറ്റ്; മരക്കാരിലെ അത്ഭുതപ്പെടുത്തുന്ന ലൊക്കേഷൻ സ്റ്റില്ലുകൾ; വീഡിയോ കാണാം ..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ മഹാനടൻ മോഹൻലാൽ നായകനായ മരക്കാർ എന്ന ചിത്രത്തിന്റെ വാർത്തകൾ ആണ് ഇപ്പോൾ കഴിഞ്ഞ ഒരാഴ്ചയിൽ കൂടുതലായി സോഷ്യൽ മീഡിയ ഭരിക്കുന്നത്. ചിത്രം തിയ്യേറ്റർ റിലീസ് ആണോ അതോ ഒടിടി റിലീസ് ആണോ എന്നതാണ് ചർച്ച. ഇപ്പോഴത്തെ സാഹചര്യത്തിൽ തീയേറ്റർ റിലീസ് ചെയ്താൽ വലിയ നഷ്ടം വരുമെന്ന് നിർമ്മാതാവ് പറയുമ്പോൾ ഈ ചിത്രം ജനങ്ങളെ തീയേറ്ററിലേക്ക് മടക്കി കൊണ്ട് വരും എന്ന് തീയേറ്റർ ഉടമകൾ പറയുന്നു. ഏതായാലും ഈ ചിത്രം എങ്ങനെയാണു പുറത്തു വരികയെന്നത് ഒഫീഷ്യൽ ആയി പുറത്തു വിട്ടിട്ടില്ല. നാളെ ഉച്ച കഴിഞ്ഞു കൊല്ലം ഗസ്റ്റ് ഹൗസിൽ വെച്ച് ഈ വിഷയം ചർച്ച ചെയ്യാൻ സിനിമാ മന്ത്രി സജി ചെറിയാൻ സിനിമാ സംഘടനകളുടെ കൂടെ യോഗം ചേരും. അതിനു ശേഷമേ ഒരു തീരുമാനം വരൂ. പക്ഷെ അതിനിടയിൽ ഈ ചിത്രത്തിലെ കുറെ ലൊക്കേഷൻ സ്റ്റില്ലുകൾ സോഷ്യൽ മീഡിയയിൽ വൈറലായി കഴിഞ്ഞു.

ഈ ചിത്രത്തിൽ ഒരു അതിഥി വേഷം ചെയ്ത പ്രണവ് മോഹൻലാലിൻറെ ലൊക്കേഷൻ ചിത്രങ്ങൾ ശ്രദ്ധ നേടുന്നുണ്ട്. അതുപോലെ ചിത്രത്തിലെ യുദ്ധ രംഗങ്ങൾ ചിത്രീകരിച്ച സെറ്റിൽ നിന്നുള്ള ചിത്രങ്ങളും നായകൻ മോഹൻലാൽ ഉൾപ്പെടെയുള്ളവരുടെ ചിത്രങ്ങളും പുറത്തു വന്നിട്ടുണ്ട്. പ്രിയദർശൻ രചിച്ചു സംവിധാനം ചെയ്ത ഈ ചിത്രം ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് നിർമ്മിച്ചിരിക്കുന്നത്. എൺപതു കോടിയോളം രൂപ ചെലവിട്ടു അഞ്ചു ഭാഷകളിൽ ആയി ഒരുക്കിയ ഈ ചിത്രം ഇന്ത്യയിലെ മികച്ച ചിത്രത്തിനുള്ള ദേശീയ പുരസ്‍കാരം ഉൾപ്പെടെ, മൂന്നു ദേശീയ അവാർഡുകളും മൂന്നു സംസ്ഥാന അവാർഡുകളും നേടിയിട്ടുണ്ട്.

Did you find apk for android? You can find new Free Android Games and apps.
Share.

About Author