തെലുങ്കിലെ സ്റ്റൈലിഷ് ഐക്കൺ സ്റ്റാർ അല്ലു അർജുൻ നായകനായി അഭിനയിക്കുന്ന ഏറ്റവും പുതിയ ചിത്രമാണ് പുഷ്പ 2 . അല്ലു അർജുനെ നായകനാക്കി സുകുമാർ ഒരുക്കിയ പുഷ്പ എന്ന ബ്ലോക്ക്ബസ്റ്റർ ചിത്രത്തിന്റെ രണ്ടാം ഭാഗമാണ് ഈ ചിത്രം. ഫഹദ് ഫാസിൽ വില്ലൻ വേഷത്തിലെത്തുന്ന ഈ ചിത്രത്തിൽ രശ്‌മിക മന്ദാനയാണ് നായികയായി എത്തുന്നത്. ഈ ചിത്രത്തിന്റെ പുതിയ ഷെഡ്യൂൾ ഇപ്പോൾ വിശാഖപട്ടണത്ത് ആരംഭിച്ചു കഴിഞ്ഞു. ഇതിന്റെ ചിത്രീകരണത്തിനായി അവിടെയെത്തിയ അല്ലു അർജുന് വലിയ സ്വീകരണമാണ് ലഭിച്ചിരിക്കുന്നത്. അതിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്. ഇന്നലെ വൈകിട്ടാണ് അല്ലു അർജുൻ ഈ ചിത്രത്തിന്റെ സെറ്റിൽ ജോയിൻ ചെയ്തത്. രക്ത ചന്ദന കടത്തുകാരനായ പുഷ്‍പരാജിന്‍റെ വളർച്ച നമ്മുക്ക് കാണിച്ചു തന്ന ആദ്യഭാഗത്തിന്റെ ടൈറ്റിൽ പുഷ്പ; ദി റൈസ് എന്നായിരുന്നുന്നു എങ്കിൽ, ആ കഥാപാത്രത്തിന്റെ അധികാരവും വാഴ്ചയും കാണിക്കാൻ പോകുന്ന രണ്ടാം ഭാഗത്തിന്റെ ടൈറ്റിൽ പുഷ്പ:ദി റൂൾ എന്നാണ്.
മൈത്രി മൂവി മേക്കേഴ്സ് നിര്‍മ്മിക്കുന്ന ചിത്രത്തിന് സംഗീതം പകരുന്നത് ദേവി ശ്രീ പ്രസാദ് ആണ്. ആദ്യ ഭാഗത്തേക്കാൾ വമ്പൻ കാൻവാസിൽ ആണ് ഈ രണ്ടാം ഭാഗം ഒരുക്കുന്നത്. ഇന്ത്യ മുഴുവൻ ട്രെൻഡിങ് ആയി മാറിയ ചിത്രമായിരുന്നു ഇതിന്റെ ആദ്യ ഭാഗം. ഇതിന്റെ ഹിന്ദി പതിപ്പും നൂറ് കോടി രൂപക്ക് മുകളിൽ കളക്ഷൻ നേടി ചരിത്രമായി മാറിയതോടെ ഇപ്പോൾ ഈ രണ്ടാം ഭാഗത്തിനായി കാത്തിരിക്കുന്നത് നോർത്ത് ഇന്ത്യൻ കാണികൾ കൂടിയാണ്. അല്ലു അർജുന്റെ കരിയറിലെ ഏറ്റവും വലിയ വിജയമായി മാറിയ ചിത്രമാണിത്. ഇനി വരുന്ന ഈ രണ്ടാം ഭാഗത്തിൽ മക്കൾ സെൽവൻ വിജയ് സേതുപതിയും ഉണ്ടാകുമെന്ന് സ്ഥിരീകരിക്കാത്ത വാർത്തകൾ വന്നിരുന്നു.
Icon stAAr @alluarjun gets a grand welcome from fans at Vizag!! 🔥
— Telugu FilmNagar (@telugufilmnagar) January 20, 2023
He's all set to begin #PushpaTheRule shoot 💥💥#AlluArjun #Pushpa #TeluguFilmNagar pic.twitter.com/CT0R6XLTDA
