Tuesday, October 24

രാമലീല തിയേറ്റർ ലിസ്റ്റ് എത്തി; പ്രതീക്ഷകളുടെ ആകാശം മുട്ടിച്ചു വമ്പൻ റിലീസ്..!

Google+ Pinterest LinkedIn Tumblr +
Want create site? Find Free WordPress Themes and plugins.

പ്രേക്ഷകർ ആവേശത്തോടെയും ആകാംഷയോടെയും കാത്തിരിക്കുന്ന ദിലീപ് ചിത്രം രാമലീല നാളെ മുതൽ കേരളത്തിലെ പ്രദർശനശാലകളിൽ എത്തുകയാണ് . ചിത്രത്തിന്റെ തിയേറ്റർ ലിസ്റ്റ് എത്തി കഴിഞ്ഞു. ദിലീപിന്റെ കരിയറിലെ തന്നെ ഏറ്റവും വലിയ റിലീസ് ആയാണ് ഈ ചിത്രം നാളെ എത്തുന്നത്. ടോമിച്ചൻ മുളകുപാടം നിർമ്മിച്ച ഈ ചിത്രം അരുൺ ഗോപി എന്ന നവാഗതൻ ആണ് സംവിധാനം ചെയ്തിരിക്കുന്നത്. രാഷ്ട്രീയ പശ്ചാത്തലത്തിൽ ഒരു പൊളിറ്റിക്കൽ ത്രില്ലർ ആയി ഒരുക്കിയ ഈ ചിത്രത്തിൽ ദിലീപ് രാമനുണ്ണി എന്ന രാഷ്ട്രീയക്കാരന്റെ വേഷമാണ് ചെയ്യുന്നത്. സച്ചിയാണ് ഈ ചിത്രത്തിന് വേണ്ടി തിരക്കഥ രചിച്ചിരിക്കുന്നത്. ഗോപി സുന്ദർ സംഗീതവും ഷാജി കുമാർ ക്യാമറയും കൈകാര്യം ചെയ്തിരിക്കുന്ന ഈ ചിത്രത്തിലെ പ്രധാന സ്ത്രീ കഥാപാത്രങ്ങളെ അവതരിപ്പിചിരിക്കുന്നത് രാധിക ശരത് കുമാറും പ്രയാഗ മാർട്ടിനും ആണ്.


ഒട്ടേറെ പ്രതിസന്ധികൾ തരണം ചെയ്തു നാളെ തിയേറ്ററിൽ എത്തുന്ന ഈ ചിത്രം ഒരു വമ്പൻ വിജയം ആവുമെന്നാണ് ആരാധകരുടെയും അണിയറ പ്രവർത്തകരുടെയും പ്രതീക്ഷ. ചിത്രത്തിന് വളരെ മികച്ച അഡ്വാൻസ് ബുക്കിംഗ് ആണ് ഇപ്പോൾ കേരളത്തിൽ ലഭിച്ചു കൊണ്ടിരിക്കുന്നത്. സിദ്ദിഖ്, വിജയ രാഘവൻ, ഹാരിഷ് പേരാടി , കലാഭവൻ ഷാജോൺ, ശ്രീനിവാസൻ , ലെന, മുകേഷ്, രഞ്ജി പണിക്കർ, രമേശ് പിഷാരടി എന്നിവരും ഈ ചിത്രത്തിന്റെ താര നിരയുടെ ഭാഗം ആണ്.

Did you find apk for android? You can find new Free Android Games and apps.
Share.

About Author

mm