മലയാള സിനിമയുടെ താര ചക്രവർത്തിയായ മോഹൻലാൽ ഏതു വേഷവും സ്വാഭാവികമായി അഭിനയിക്കുന്ന ഒരു താരമാണ്. ഏതു ഭാവവും രസവും അതിന്റെ പൂർണതയിൽ എത്തിക്കാൻ മോഹൻലാൽ എന്ന നടനവിസ്മയത്തിന് എന്നും കഴിഞ്ഞിട്ടുണ്ട്. ഏത് വേഷം ആണെങ്കിലും അതിനോടൊപ്പം തന്നെ പ്രണയഭാവവും അദ്ദേഹം അതിമനോഹരമായി കൈകാര്യം ചെയ്യുന്നത് പല ചിത്രങ്ങളിലും നമ്മൾ കണ്ടിട്ടുണ്ട്. ലോകം ഇന്ന് വാലന്റൈൻസ് ഡേ ആഘോഷിക്കുമ്പോൾ മലയാളത്തിലെ ഏറ്റവും മികച്ച പ്രണയ നായകൻ കൂടിയായ ലാലേട്ടൻ, എല്ലാവർക്കും വാലെന്റൈൻസ് ഡേ ആശംസകൾ അറിയിച്ചിരിക്കുകയാണ്. തന്റെ ഒഫീഷ്യൽ ഫേസ്ബുക് പേജിലൂടെയാണ് തന്റെ ആരാധകർക്ക് അദ്ദേഹം മനോഹരമായ ഒരു പ്രണയ ദിനം ആശംസിച്ചിരിക്കുന്നത്.
മലയാളത്തിലെ ഏറ്റവും മികച്ച ഒരു പിടി പ്രണയ ചിത്രങ്ങളുടെ ഭാഗമായിട്ടുള്ള താരമാണ് മോഹൻലാൽ. നമ്മുക്ക് പാർക്കാൻ മുന്തിരി തോപ്പുകളിലെ സോളമനും സോഫിയയും, തൂവാനത്തുമ്പികളിലെ ക്ലാരയും ജയകൃഷ്‌ണനും, തേന്മാവിൻ കൊമ്പത്തിലെ മാണിക്ക്യനും കാർത്തുമ്പിയും തുടങ്ങി, പവിത്രം, കാലാപാനി, നിർണ്ണയം, യോദ്ധ, ഗാന്ധർവം, രാവണൻ പ്രഭു, താളവട്ടം, ചിത്രം, അധിപൻ, നരസിംഹം, വന്ദനം, എയ് ഓട്ടോ , ഉദയനാണു താരം, ചന്ദ്രോത്സവം, ദേവാസുരം, മുകുന്ദേട്ടാ സുമിത്ര വിളിക്കുന്നു, കാസനോവ തുടങ്ങി ഒട്ടേറെ മോഹൻലാൽ ചിത്രങ്ങളിലെ പ്രണയ രംഗങ്ങളും പ്രൊപോസിംഗ് രംഗങ്ങളുമാണ് ഇന്ന് ഫേസ്ബുക്കിലും വാട്സാപ്പിലും സ്റ്റാറ്റസുകൾ ആയി നിറയുന്നത്.
