Friday, January 19

സാജൻ ജോസഫ് ആലുക്ക ആയി കുഞ്ചാക്കോ ബോബൻ വീണ്ടുമെത്തുന്നു നാളെ മുതൽ; ദിവാൻജിമൂല ഗ്രാൻഡ് പ്രിക്‌സ് തിയേറ്റർ ലിസ്റ്റ് ഇതാ..!

Google+ Pinterest LinkedIn Tumblr +
Want create site? Find Free WordPress Themes and plugins.

അന്തരിച്ചു പോയ പ്രശസ്ത സംവിധായകനും തിരക്കഥാകൃത്തുമായ ലോഹിത ദാസ് ഒരുക്കിയ ചിത്രമാണ് കസ്തൂരിമാൻ. വർഷങ്ങൾക്കു മുൻപേ റിലീസ് ചെയ്ത ഈ ചിത്രത്തിൽ കുഞ്ചാക്കോ ബോബൻ എത്തിയത് സാജൻ ജോസഫ് ആലുക്ക എന്ന കഥാപാത്രം ആയാണ്. ഈ കഥാപാത്രം ഐ എ എസ് പാസ്സായി കളക്ടർ ആവുന്നിടത്തു ആണ് ആ ചിത്രം അവസാനിച്ചത്. ഇപ്പോഴിതാ സാജൻ ജോസഫ് ആലുക്ക എന്ന കളക്ടർ കഥാപാത്രം ആയി കുഞ്ചാക്കോ ബോബൻ വീണ്ടും എത്തുകയാണ്. അനിൽ രാധാകൃഷ്ണൻ മേനോൻ ഒരുക്കിയ ദിവാൻജിമൂല ഗ്രാൻഡ് പ്രിക്‌സ് എന്ന ചിത്രത്തിലൂടെയാണ് ഈ കഥാപാത്രമായി കുഞ്ചാക്കോ ബോബൻ എത്തുന്നത്. അനിൽ രാധാകൃഷ്ണൻ മേനോനും കളക്ടർ ആയ പ്രശാന്ത് നായരും ചേർന്ന് തിരക്കഥ രചിച്ച ഈ ചിത്രം നാളെ മുതൽ കേരളത്തിലെ തീയേറ്ററുകളിൽ എത്തുകയാണ്. ഈ ചിത്രത്തിന്റെ തിയേറ്റർ ലിസ്റ്റ് ഇതാ ഇവിടെ നിങ്ങൾക്ക് വേണ്ടി നൽകുന്നു.

മാർസ് എന്റെർറ്റൈന്മെന്റിന്റെ ബാനറിൽ സംവിധായകൻ അനിൽ രാധാകൃഷ്ണൻ മേനോനും മസൂർ മുഹമ്മദും സഫീർ അഹമ്മദും ചേർന്നാണ് ഈ ചിത്രം നിർമ്മിച്ചിരിക്കുന്നത്. റിയാസ് മാറാത് ആണ് ഈ ചിത്രത്തിന് സംഭാഷണം രചിച്ചിരിക്കുന്നത്. തൃശൂരിന്റെ പശ്ചാത്തലത്തിൽ കഥ പറയുന്ന ഈ ചിത്രത്തിൽ ബൈക് റേസ് എന്ന കായിക ഇനവും ഒരു പ്രധാന വിഷയം ആയി വരുന്നുണ്ട്. നൈല ഉഷ ആണ് ഈ ചിത്രത്തിലെ നായികാ വേഷത്തിൽ എത്തുന്നത്. ഇവരോടൊപ്പം സിദ്ദിഖ്, വിനായകൻ, സുധീർ കരമന, ജോയ് മാത്യു, സുധി കോപ്പ, രാജീവ് പിള്ളൈ, നിർമ്മൽ, ഷഹീൻ സിദ്ദിഖ് എന്നിവരും ഇതിൽ അഭിനയിക്കുന്നുണ്ട്. അനിൽ രാധാകൃഷ്ണൻ മേനോൻ സംവിധാനം ചെയ്ത നാലാമത്തെ ചിത്രമാണ് ഇത്. ഇതിനു മുൻപ് അദ്ദേഹം ഒരുക്കിയത് 24 നോർത്ത് കാതം, സപ്തമശ്രീ തസ്‌കറാഹ, ലോർഡ് ലിവിങ്സ്റ്റൺ 7000 കണ്ടി എന്നിവയാണ്.

Did you find apk for android? You can find new Free Android Games and apps.
Share.

About Author

mm