Sunday, January 16

ചെക്ക ചിവന്ത വാനത്തിന്റെ വിജയാഘോഷത്തിൽ പങ്കെടുത്തതിന്റെ സന്തോഷം പങ്കു വെച്ചു അപ്പാനി രവി..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ത്യൻ സിനിമയിലെ മാസ്റ്റർ ഡിറക്ടർമാരിൽ ഒരാളായ മണി രത്‌നം സംവിധാനം ചെയ്ത ചെക്ക ചിവന്ത വാനം എന്ന ചിത്രം കഴിഞ്ഞ മാസം ആണ് റിലീസ് ചെയ്തത്. ഗംഭീര പ്രേക്ഷക പ്രതികരണം നേടിയ ഈ ചിത്രം ബോക്സ് ഓഫീസിലും വലിയ വിജയം നേടി. പരാജയങ്ങളിൽ പെട്ട് ഉഴറിയിരുന്ന മണി രത്‌നം എന്ന സംവിധായകന്റെ ഒരു തിരിച്ചു വരവായിരുന്നു ഈ ചിത്രം. അരവിന്ദ് സ്വാമി, ചിമ്പു, വിജയ് സേതുപതി, അരുൺ വിജയ് എന്നിവർ പ്രധാന കഥാപാത്രങ്ങളെ അവതരിപ്പിച്ച ഈ ചിത്രത്തിൽ മലയാള നടൻ അപ്പാനി ശരത്തും ഒരു ചെറിയ കഥാപാത്രത്തെ അവതരിപ്പിച്ചിരുന്നു. ആ കഥാപാത്രം ശരത്തിനു ഏറെ പ്രശംസയും നേടി കൊടുത്തു. മണി രത്‌നം ചിത്രത്തിൽ അഭിനയിക്കാൻ സാധിച്ചതിന്റെ സന്തോഷം ശരത് തന്റെ ഫേസ്ബുക് പേജിലൂടെ നേരത്തെ പങ്കു വെച്ചിരുന്നു.

ഇപ്പോൾ ഈ ചിത്രത്തിന്റെ വിജയാഘോഷത്തിലും പങ്കെടുത്ത അപ്പാനി ശരത് അതിന്റെ ദൃശ്യങ്ങളും തന്റെ ഫേസ്ബുക് പേജിലൂടെ പങ്കു വെക്കുകയും തന്റെ സന്തോഷം അറിയിക്കുകയും ചെയ്തു. മണി രത്‌നം, അരവിന്ദ് സ്വാമി, വിജയ് സേതുപതി, സന്തോഷ് ശിവൻ എന്നിവർക്കൊപ്പമുള്ള തന്റെ സെൽഫികളും അപ്പാനി ശരത് ഫേസ്ബുക് പോസ്റ്റിന്റെ ഭാഗം ആക്കിയിട്ടുണ്ട്. സന്തോഷ് ശിവൻ ആയിരുന്നു ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയത്. മദ്രാസ് ടാകീസ് , ലൈക്ക പ്രൊഡക്ഷൻസ് എന്നിവയുടെ ബാനറിൽ മണി രത്‌നം, എ സുഭാസ്കരൻ എന്നിവർ ആണ് ഈ ചിത്രം നിർമ്മിച്ചത്. ഈ ചിത്രം കൂടാതെ വിശാൽ നായകനായ സണ്ടക്കോഴി 2 എന്ന തമിഴ് ചിത്രത്തിലും അപ്പാനി ശരത് അഭിനയിച്ചിരുന്നു. ആ ചിത്രം വരുന്ന ആഴ്ച കേരളത്തിൽ റിലീസ് ചെയ്യും.

Did you find apk for android? You can find new Free Android Games and apps.
Share.

About Author