മാമാങ്കം എന്ന ബിഗ് ബജറ്റ് മമ്മൂട്ടി ചിത്രം ഇപ്പോൾ വിവാദങ്ങൾ സൃഷ്ടിച്ചു കൊണ്ട് സോഷ്യൽ മീഡിയയിൽ സജീവമായി നിൽക്കുകയാണ്. രണ്ടു ഷെഡ്യൂളുകൾ പൂർത്തിയാക്കിയ ഈ ചിത്രത്തിൽ നിന്ന് അഭിനേതാക്കളും സാങ്കേതിക പ്രവർത്തകരും അടക്കം ഒട്ടേറെ പേരെ മാറ്റുകയും മറ്റു ചിലരെ കൊണ്ട് വരികയും ചെയ്തു കഴിഞ്ഞു. നാൽപ്പത്തിയഞ്ച് കോടി രൂപ മുതൽ മുടക്കിൽ നിർമ്മിക്കുന്ന ഈ ചിത്രത്തിന് വേണ്ടി ഇതുവരെ പതിനാലു കോടിയോളം രൂപ മുടക്കി കഴിഞ്ഞിട്ടുണ്ട്. അപ്പോഴാണ് ചിത്രം പ്രതിസന്ധിയിൽ ആയതു. ഇപ്പോഴിതാ ഈ ചിത്രത്തിൽ നിന്ന് പുറത്താക്കിയ ക്വീൻ താരം ധ്രുവന് പകരമായി ഉണ്ണി മുകുന്ദൻ എത്തുകയാണ് എന്ന് നമുക്കറിയാം. മാമാങ്കത്തിനായി ഉണ്ണി മുകുന്ദൻ തയ്യറെടുപ്പുകൾ തുടങ്ങി കഴിഞ്ഞു.
https://www.instagram.com/p/BsUgeMxBWFZ/?utm_source=ig_share_sheet&igshid=1ezhej8bhsjjg&fbclid=IwAR0RhC_ODo0OesCSbA1oXla3LonBPZ-35abV0MX29sbQ6Fb8tnmkTkOMiNM
ഈ ചിത്രത്തിന് വേണ്ടി ശരീരമൊരുക്കാൻ ഉണ്ണി മുകുന്ദൻ ജിമ്മിൽ നടത്തുന്ന വർക്ക് ഔട്ടിന്റെ വീഡിയോ സോഷ്യൽ മീഡിയയിൽ ഇപ്പോൾ വൈറൽ ആവുകയാണ്. ഈ ചിത്രത്തിന് വേണ്ടി വമ്പൻ ഫിസിക്കൽ മേക് ഓവറിനു വിധേയനായ ധ്രുവൻ ഏകദേശം ഇരുപത്തിയഞ്ചു ദിവസത്തോളം ഷൂട്ടിങ്ങിൽ പങ്കെടുക്കുകയും ചെയ്തിരുന്നു. ഇനി ആ രംഗങ്ങൾ മുഴുവൻ ഉണ്ണി മുകുന്ദനെ വെച്ച് റീഷൂട് ചെയ്യാൻ ആണ് നിർമ്മാതാവിന്റെ പ്ലാൻ. ഉണ്ണി മുകുന്ദൻ ഈ ചിത്രത്തിൽ എത്തിയത് തന്റെ അറിവോടെയോ സമ്മതത്തോടെയോ അല്ലെന്നു ചിത്രത്തിന്റെ സംവിധായകൻ സജീവ് പിള്ളൈ പറഞ്ഞിരുന്നു. സജീവ് പിള്ളയെ സഹായിക്കാൻ എം പദ്മകുമാറിനേയും ഈ ചിത്രത്തിലേക്ക് കൊണ്ട് വന്നിട്ടുണ്ട് നിർമ്മാതാവ് വേണു കുന്നപ്പിള്ളി. ഹനീഫ് അദനി- നിവിൻ പോളി ചിത്രമായ മിഖായേലിൽ വില്ലൻ വേഷം ചെയ്തു കൊണ്ടാണ് ഉണ്ണി മുകുന്ദൻ ഈ വർഷം ആദ്യം എത്തുന്നത്. ജനുവരി പതിനെട്ടിന് മിഖായേൽ റിലീസ് ചെയ്യും.
