പ്രശസ്ത തമിഴ് നടൻ ജീവ നായകനായി എത്തുന്ന ഏറ്റവും പുതിയ ചിത്രമാണ് വരലാര് മുഖ്യം. സന്തോഷ് രാജൻ സംവിധാനം ചെയ്തിരിക്കുന്ന ഈ ചിത്രത്തിന്റെ ട്രെയിലറാണ് ഇപ്പോൾ സോഷ്യൽ മീഡിയയുടെ ശ്രദ്ധ നേടുന്നത്. നായികമാരുടെ ഗ്ലാമർ പ്രദർശനം നിറഞ്ഞ ഈ ട്രൈലെർ, ഈ ചിത്രം ഹാസ്യത്തിന് പ്രാധാന്യം നൽകിയാണ് ഒരുക്കിയിരിക്കുന്നതെന്നും സൂചിപ്പിക്കുന്നുണ്ട്. അതുപോലെ ആക്ഷൻ രംഗങ്ങളും ഇതിൽ കാണാൻ സാധിക്കും. ഒരു പക്കാ മസാല എന്റർടൈനറായിരിക്കും ഈ ചിത്രമെന്ന ഫീലാണ് ഇപ്പോൾ വന്നിരിക്കുന്ന ട്രൈലെർ നമ്മുക്ക് തരുന്നത്. സൂപ്പർ ഗുഡ് ഫില്മിസിന്റെ ബാനറിൽ ആർ ബി ചൗധരിയാണ് ഈ ചിത്രം നിർമ്മിച്ചിരിക്കുന്നത്. ജീവയുടെ പിതാവ് കൂടിയാണ് ആർ ബി ചൗധരി. കാശ്മീര പർദേശി, പ്രഗ്യ നാഗ്ര എന്നിവരാണ് ഈ ചിത്രത്തിലെ നായികാ വേഷങ്ങൾ ചെയ്തിരിക്കുന്നത്.
ഇവരെ കൂടാതെ വി ടി വി ഗണേഷ്, കെ എസ് രവികുമാർ, മൊട്ട രാജേന്ദ്രൻ, ശരാ ശരണ്യ, സിദ്ദിഖ് എന്നിവരും ഈ ചിത്രത്തിന്റെ താരനിരനിരയിലുണ്ട്. ശക്തി ശരവണൻ ക്യാമറ ചലിപ്പിച്ചിരിക്കുന്ന ഈ ചിത്രത്തിന് എഡിറ്റിംഗ് നിർവഹിച്ചത്‌ ശ്രീകാന്ത് എൻ ബിയാണ്. ആർ മോഹനാണ് ഇതിന്റെ കല സംവിധായകൻ. വാസുകി ഭാസ്കർ വസ്ത്രാലങ്കാരം നിർവഹിച്ച ഈ ചിത്രത്തിന്റെ സംഘട്ടന സംവിധാനം നിർവഹിച്ചത്‌ ഇതിന് ദൃശ്യങ്ങൾ സമ്മാനിച്ച ശക്തി ശരവണൻ തന്നെയാണ്. ബ്രിന്ദ, രാജു സുന്ദരം എന്നിവർ ചേർന്നാണ് ഈ ചിത്രത്തിന് വേണ്ടി നൃത്ത സംവിധാനം നിർവഹിച്ചത്‌. ജീവയുടെ ഒരു മികച്ച തിരിച്ചു വരവ് ഈ ചിത്രത്തിലൂടെ ഉണ്ടാകുമെന്നാണ് ജീവ ആരാധകരുടെ പ്രതീക്ഷ.
