ഇന്നലെ വൈകുന്നേരം ആണ് മമ്മൂട്ടി ചിത്രമായ മധുര രാജയുടെ മേക്കിങ് വീഡിയോ റിലീസ് ചെയ്തത്. വൈശാഖ് സംവിധാനം ചെയ്ത ഈ ചിത്രത്തിന്റെ മേക്കിങ് വീഡിയോ ഇപ്പോൾ സോഷ്യൽ മീഡിയയിൽ വൈറൽ ആവുന്ന കാഴ്ചയാണ് കാണാൻ സാധിക്കുന്നത്. മമ്മൂട്ടി ആരാധകരെ ഏറെ ആവേശത്തിലാഴ്ത്തുന്ന രീതിയിൽ ആണ് ഈ മേക്കിങ് വീഡിയോ എഡിറ്റ് ചെയ്തിരിക്കുന്നത്. ഗോപി സുന്ദർ ഒരുക്കിയ രാജ തീം സോങ് ആണ് മേക്കിങ് വീഡിയോയെ ആവേശഭരിതമാക്കുന്നതു. മമ്മൂട്ടിയുടെ കരിയറിലെ ഏറ്റവും വലിയ വിജയം ആയി മാറിയ ഈ ചിത്രം നൂറു കോടിയുടെ ബിസിനസ്സ് നടത്തി എന്നാണ് അണിയറ പ്രവർത്തകർ പറയുന്നത്. ഉദയ കൃഷ്ണ തിരക്കഥ രചിച്ച മധുര രാജ നിർമ്മിച്ചിരിക്കുന്നത് നവാഗത നിർമ്മാതാവായ നെൽസൺ ഐപ്പ് ആണ്.
വേട്ട പട്ടികളെ ഉപയോഗിച്ചുള്ള ആക്ഷൻ രംഗങ്ങൾ ഈ ചിത്രത്തിന്റെ ഹൈലൈറ്റ് ആയിരുന്നു. പീറ്റർ ഹെയ്‌ൻ ഒരുക്കിയ ആ ആക്ഷൻ രംഗങ്ങളുടെ ഷൂട്ടിംഗ് രീതികൾ ഈ മേക്കിങ് വീഡിയോയിൽ ഉൾപ്പെടുത്തിയിട്ടുണ്ട്. മമ്മൂട്ടിക്ക് പുറമെ തമിഴ് യുവ താരം ജയ്. തെലുഗ് താരം ജഗപതി ബാബു എന്നിവരും അഭിനയിച്ച ഈ ചിത്രത്തിന് ദൃശ്യങ്ങൾ ഒരുക്കിയതു ഷാജി കുമാർ ആണ്. വമ്പൻ താര നിര അണിനിരന്ന ഈ ചിത്രം 22 തീയേറ്ററുകളിൽ നാൽപ്പതിൽ അധികം ഷോകളോടെയാണ് കേരളത്തിൽ അമ്പതു ദിനം പൂർത്തിയാക്കിയത്. മഹിമ നമ്പ്യാർ, അനുശ്രീ, അന്നാ രാജൻ, പ്രശാന്ത് അലക്‌സാണ്ടർ, നെടുമുടി വേണു, സലിം കുമാർ, വിജയ രാഘവൻ, വിനയ പ്രസാദ്, ബിജു കുട്ടൻ, നോബി എന്നിവരും ഈ ചിത്രത്തിന്റെ താര നിരയിൽ ഉണ്ട്.
