തെലുങ്കിൽ നിന്ന് പുറത്ത് വരുന്ന ഏറ്റവും പുതിയ മാസ്സ് മസാല എന്റെർറ്റൈനെർ ചിത്രങ്ങളിലൊന്നാണ് തീസ് മാർ ഖാൻ. യുവ താരം ആദി നായകനായി എത്തുന്ന ഈ ചിത്രത്തിന്റെ ടീസർ ഇപ്പോൾ സോഷ്യൽ മീഡിയയുടെ ശ്രദ്ധ നേടുകയാണ്. കിടിലൻ ആക്ഷൻ, നായികയായ പായൽ രാജ്പുത്തിന്റെ ഗ്ലാമർ പ്രദർശനം എന്നിവയാണ് ഈ ടീസറിന്റെ ഹൈലൈറ്റ്. ജൂൺ പതിനെട്ടിന് പുറത്തു വന്ന ഈ ടീസർ ഇതിനോടകം സൂപ്പർ ഹിറ്റായി കഴിഞ്ഞു. ചിത്രത്തിന് മേലുള്ള ആരാധകരുടെ പ്രതീക്ഷകൾ വർധിപ്പിക്കുന്ന തരത്തിലാണ് ഈ ടീസർ ഒരുക്കിയിരിക്കുന്നത്. വിഷൻ സിനിമാസിന്റെ ബാനറിൽ നാഗം തിരുപ്പതി റെഡ്‌ഡി നിർമ്മിച്ചിരിക്കുന്ന ഈ ചിത്രം കല്യാൺജി ഗോഗ്‌നയാണ് സംവിധാനം ചെയ്തിരിക്കുന്നത്. സായി കാർത്തിക് ആണ് ഈ ചിത്രത്തിന്റെ സംഗീത സംവിധായകൻ.
ആദി, പായൽ എന്നിവർക്ക് പുറമെ, മലയാളി താരം ഷംന കാസിം, സുനിൽ, കബീർ സിങ്, അനൂപ് സിങ് താക്കൂർ എന്നിവരും ഈ ചിത്രത്തിലെ പ്രധാന കഥാപാത്രങ്ങൾക്ക് ജീവൻ പകർന്നിരിക്കുന്നു. ആദിത്യ മ്യൂസിക്കിന്റെ യൂട്യൂബ് ചാനലിൽ റിലീസ് ചെയ്തിരിക്കുന്ന ഈ ടീസറിന് ഇതിനോടകം 22 ലക്ഷത്തിലധികം കാഴ്ചക്കാരെയാണ് ലഭിച്ചിരിക്കുന്നത്. സ്ടുടെന്റ്റ്, റൗഡി, പോലീസ് എന്നാണ് തീസ് മാർ ഖാൻ എന്ന ഈ ചിത്രത്തിന് നൽകിയിരിക്കുന്ന ടാഗ് ലൈൻ. നാടകം എന്ന ചിത്രം സംവിധാനം ചെയ്തു ശ്രദ്ധ നേടിയ ആളാണ് ഈ ചിത്രത്തിന്റെ സംവിധായകനായ കല്യാൺജി ഗോഗ്‌ന. ഏതായാലും മാസ്സ് പോലീസ് വേഷത്തിൽ ആദിയെത്തുന്ന ഈ ചിത്രം അദ്ദേഹത്തിന്റെ ആരാധകർ ഏറെ കാത്തിരിക്കുന്ന ഒരു സിനിമ കൂടിയാണ്.
