ചാനല്‍ പരിപാടിയായ ‘ലിപ് സിങ് ബാറ്റില്‍’ എന്ന പരിപാടിയിൽ സൂപ്പര്‍സ്റ്റാര്‍ രജനീകാന്തിനെ അനുകരിച്ച് നടി തമന്ന ഭാട്ടിയ. കുട്ടിക്കാലം മുതലേ എന്റെ ഏറ്റവും വലിയ ആവേശമായ വ്യക്തിക്കുള്ള പ്രണാമമാണിത്.
ഇതുവരെ ഞാന്‍ അവതരിപ്പിച്ച കഥാപാത്രങ്ങളേക്കാളൊക്കെ വെല്ലുവിളി നിറഞ്ഞതാണിതെന്ന് തമന്ന വ്യക്തമാക്കി. സ്റ്റാര്‍പ്ലസില്‍ ശനിയാഴ്ച പരിപാടി ടെലികാസ്റ്റ് ചെയ്യും. പരിപാടിയില്‍ ‘ലുംഗി ഡാന്‍സ്’ എന്ന പാട്ടിനും താരം ചുവട് വെയ്ക്കും.
രജനീകാന്തിന്റെ കടുത്ത ആരാധികയാണ് തമന്ന. ഇന്ത്യയിലെ ഏറ്റവും സ്വാധീനമുള്ള വ്യക്തിയായി ഫോബ്സ് മാസിക തെരഞ്ഞെടുത്ത സ്റ്റൈൽ മന്നന്റെ ആരാധകർ കാത്തിരിക്കുന്ന അടുത്ത ചിത്രം യന്തിരന്‍ 2.0 ആണ്.
രജനീകാന്ത് ശങ്കർ കൂട്ടുകെട്ടിൽ 2010 ൽ പുറത്തിറങ്ങിയ യന്തിരന്റെ രണ്ടാം ഭാഗമാണ് 2.0. എമി ജാക്‌സൺ ആണ് ചിത്രത്തിൽ നായികയായി എത്തുന്നത്. എ ആർ റഹ്മാൻ ആണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്.
