ടോവിനോ തോമസ്, സൗബിൻ സാഹിർ എന്നിവർ ഒരുമിക്കുന്ന ലാൽ ജൂനിയർ ചിത്രം’ നടികർതില’ കത്തിൽ പ്രധാന കഥാപാത്രമായി ഷൈൻ ടോം ചാക്കോയും. ചിത്രത്തിലെ ഒരു നിർണായക കഥാപാത്രം ആയിരിക്കും ഷൈൻ അവതരിപ്പിക്കുകയെന്നും റിപ്പോർട്ടുകളിലൂടെ സൂചിപ്പിക്കുന്നു. പുഷ്പ സിനിമയുടെ നിർമ്മാതാക്കളായ മൈത്രി മൂവി മേക്കേഴ്സ് ആദ്യമായി മലയാളത്തിൽ ഒരുക്കുന്ന ചിത്രം കൂടിയാണ് നടികർ തിലകം. അലൻ ആൻറണി, അനൂപ് വേണുഗോപാൽ എന്നിവരുടെ ഗോഡ്സ്പീഡിനൊപ്പം ചേർന്നാണ് മൈത്രി മൂവി മേക്കേഴ്സ്ന്റെ വൈ.നവീനും വൈ. രവിശങ്കറും ചിത്രം നിർമ്മിക്കുന്നത്.
ബാല എന്ന കഥാപാത്രമായി സൗബിൻ ചിത്രത്തിലെത്തുമ്പോൾ ഡേവിഡ് പടിക്കൽ ആയാണ് ടോവിനോ അഭിനയിക്കുന്നത്. വമ്പൻ മുതൽമുടക്കിൽ ഒരുങ്ങുന്ന ചിത്രത്തിന് തിരക്കഥ ഒരുക്കുന്നത് സുവിൻ സോമൻ ആണ്. ക്യാമറ കൈകാര്യം ചെയ്യുന്നത് ആൽബിയാണ്.
രതീഷ് രാജാണ് എഡിറ്റിംഗ് നിർവഹിക്കുന്നത്. യക്സന്‍ ഗാരി പെരേര, നേഹ എസ് നായര്‍ എന്നിവര്‍ സംഗീത സംഗീത സംവിധാനം ചെയ്യും. പ്രശാന്ത് മാധവ് കലാസംവിധാനവും വസ്ത്രാലങ്കാരം പ്രവീണ്‍ വര്‍മ്മ, മേക്കപ്പ് ആര്‍ ജി വയനാട് എന്നിവരാണ്. പൃഥ്വിരാജ് കേന്ദ്ര കഥാപാത്രമായ ഡ്രൈവിംഗ് ലൈസന്‍സ് എന്ന ബ്ലോക്ക്ബസ്റ്റര്‍ ചിത്രത്തിന് ശേഷം ലാല്‍ ജൂനിയര്‍ സംവിധാനം ചെയുന്ന ചിത്രം കൂടിയാണ് ‘നടികർ തിലകം’. ഈ കൊല്ലത്തെ ടോവിനോയുടെ പിറന്നാൾ ദിനത്തിൽ ആയിരുന്നു ചിത്രത്തിന്റെ ക്യാരക്ടർ പോസ്റ്റർ പുറത്തുവിട്ടത്.
