മലയാള സിനിമയിലെ എക്കാലത്തേയും ഏറ്റവും വലിയ ആഗോള ഗ്രോസ്സർ എന്ന പദവി ഇനി മഞ്ഞുമ്മൽ ബോയ്സിന് സ്വന്തം. ഇതിനോടകം ആഗോള ഗ്രോസ് 175 കോടി പിന്നിട്ട ഈ ചിത്രം, 2018 എന്ന ചിത്രത്തിന്റെ ആഗോള ഗ്രോസ് കളക്ഷൻ ആണ് പിന്നിട്ടത്. ഇനി മഞ്ഞുമ്മൽ ബോയ്സ് 200 കോടി ഗ്രോസ് നേടുന്ന ആദ്യ മലയാള ചിത്രമായി മാറുമോ എന്നറിയാനുള്ള ആകാംഷയിലാണ് മലയാള സിനിമാ പ്രേമികളും ആരാധകരും. മഞ്ഞുമ്മൽ ബോയ്സ്, 2018 , പുലി മുരുകൻ, ലൂസിഫർ, പ്രേമലു എന്നിവയാണ് ഇപ്പോൾ നിലവിൽ മലയാള സിനിമയിലെ ഓൾ ടൈം ടോപ് ഗ്രോസ്സറുകൾ. ഈ അഞ്ച് ചിത്രങ്ങളാണ് മലയാളത്തിൽ നിന്ന് 100 കോടി രൂപ തീയേറ്റർ ഗ്രോസ് നേടിയ ചിത്രങ്ങൾ. കേരളാ ഗ്രോസ് 60 കോടിയിലേക്ക് കുതിക്കുന്ന മഞ്ഞുമ്മൽ ബോയ്സ് വിദേശത്തു നിന്നും 50 കോടി പിന്നിട്ടിരുന്നു. ഇത് കൂടാതെ റസ്റ്റ് ഓഫ് ഇന്ത്യ മാർക്കറ്റിൽ നിന്നും ഈ ചിത്രം 60 കോടി ഗ്രോസിലേക്കാണ് കുതിക്കുന്നത്.
അതിൽ തന്നെ തമിഴ്നാട് നിന്ന് മാത്രം 50 കോടി ഗ്രോസ് എന്ന നേട്ടത്തിലേക്കും ഈ ചിത്രം എത്തുകയാണ്. സൗബിൻ ഷാഹിർ, ശ്രീനാഥ് ഭാസി, ബാലു വർഗീസ്, ഗണപതി, ലാൽ ജൂനിയർ, അഭിറാം രാധാകൃഷ്ണൻ, ദീപക് പറമ്പോൽ, ഖാലിദ് റഹ്‌മാൻ, അരുൺ കുര്യൻ, വിഷ്ണു രഘു, ചന്തു സലീംകുമാർ എന്നിവർ പ്രധാന വേഷങ്ങൾ ചെയ്ത ഈ ചിത്രം രചിച്ചു സംവിധാനം ചെയ്തത് ചിദംബരമാണ്. ബാബു ഷാഹിർ, സൗബിൻ ഷാഹിർ, ഷോൺ ആന്റണി എന്നിവർ ചേർന്നാണ് ഈ സർവൈവൽ ത്രില്ലർ ചിത്രം നിർമ്മിച്ചിരിക്കുന്നത്.
