കംപ്ലീറ്റ് ആക്ടർ മോഹൻലാൽ ഇപ്പോൾ പ്രിയദർശൻ ഒരുക്കുന്ന ബ്രഹ്മാണ്ഡ ചിത്രമായ മരക്കാർ അറബിക്കടലിന്റെ സിംഹം എന്ന ചിത്രത്തിന്റെ ഷൂട്ടിംഗ് തിരക്കിലാണ്. ഹൈദരാബാദ് രാമോജി റാവു ഫിലിം സിറ്റിയിൽ ആണ് ഈ ചിത്രത്തിന്റെ ഷൂട്ടിംഗ് നടക്കുന്നത്. ഈ ചിത്രത്തിന് ശേഷം മോഹൻലാൽ നായകനാവുന്ന ചിത്രമാണ് നവാഗതരായ ജിബി-ജോജു ടീം തിരക്കഥയെഴുതി സംവിധാനം ചെയ്യുന്ന ഇട്ടിമാണി മേഡ് ഇൻ ചൈന. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം ഈ മാസം അവസാനം സിംഗപ്പൂർ ആണ് ആരംഭിക്കുന്നത്. മോഹൻലാൽ അടുത്ത മാസം ആരംഭിക്കുന്ന രണ്ടാമത്തെ ഷെഡ്യൂളിൽ ആണ് ജോയിൻ ചെയ്യൂ.
സിംഗപ്പൂരിൽ അഞ്ചു ദിവസത്തെ ഷൂട്ടിംഗ് ആണ് പ്ലാൻ ചെയ്തിരിക്കുന്നത്. മോഹൻലാൽ കഥാപാത്രത്തിന്റെ കുട്ടിക്കാലം ആണ് അവിടെ ചിത്രീകരിക്കുക എന്നാണ്. അതിനു ശേഷം തൃശൂർ, എറണാകുളം, ചൈന എന്നിവിടങ്ങളിലും ഈ ചിത്രം ഷൂട്ട് ചെയ്യും. ഹണി റോസ് ആണ് ഈ ചിത്രത്തിലെ നായികാ വേഷം ചെയ്യുക എന്നുള്ള റിപ്പോർട്ടുകൾ ആണ് ഇപ്പോൾ വരുന്നത്. ഇതിനു മുൻപ് കനൽ എന്ന ചിത്രത്തിൽ ആണ് ഹണി റോസ് മോഹൻലാലിൻറെ നായികയായി അഭിനയിച്ചത്. തമിഴ് നടി രാധിക ശരത് കുമാർ ഒരു ശ്കതമായ വേഷം ചെയ്യുന്ന ഇട്ടിമാണിയിൽ ഹാരിഷ് കണാരൻ, ധർമജൻ ബോൾഗാട്ടി എന്നിവരും മോഹൻലാലിനൊപ്പം എത്തും. ഒരു പക്കാ കോമഡി എന്റെർറ്റൈനെർ ആയാണ് ഈ ചിത്രം ഒരുക്കാൻ പോകുന്നത്. മാർട്ടിൻ പ്രക്കാട്ട്, ജിബു ജേക്കബ് എന്നിവരുടെ സംവിധാന സഹായികൾ ആയി പ്രവർത്തിച്ചിരുന്നവർ ആണ് ഇട്ടിമാണിയുടെ സംവിധായകർ ആയ ജിബി- ജോജു എന്നിവർ.
