Tuesday, May 24

ബീസ്റ്റിലെ ദളപതിയുടെ കിടിലൻ ആക്ഷൻ രംഗങ്ങൾ; മേക്കിങ് വീഡിയോ ഇതാ..!

Google+ Pinterest LinkedIn Tumblr +
Want create site? Find Free WordPress Themes and plugins.

ദളപതി വിജയ് നായകനായി എത്തിയ ഏറ്റവും പുതിയ തമിഴ് ചിത്രമാണ് ബീസ്റ്റ്. ഈ കഴിഞ്ഞ ഏപ്രിൽ പതിമൂന്നിന് ആണ് ബ്രഹ്മാണ്ഡ റിലീസ് ആയി ഈ ചിത്രം എത്തിയത്. സമ്മിശ്ര പ്രതികരണം ആണ് ബീസ്റ്റ് നേടിയത് എങ്കിലും ബോക്സ് ഓഫീസിൽ ഇരുനൂറു കോടിക്കു മുകളിൽ കളക്ഷൻ നേടാൻ ഈ ചിത്രത്തിന് സാധിച്ചിരുന്നു. ആക്ഷൻ, കോമഡി എന്നിവ കൂട്ടിക്കലർത്തി ഒരുക്കിയ ഈ ചിത്രം രചിച്ചു സംവിധാനം ചെയ്തത് നെൽസണും ഇത് നിർമ്മിച്ചത് സൺ പിക്ചേഴ്സും ആണ്. ഇതിലെ ദളപതിയുടെ ആക്ഷൻ രംഗങ്ങൾക്ക് ഗംഭീര അഭിപ്രായം ആണ് ലഭിച്ചത്. ഇപ്പോഴിതാ അതിലെ ആക്ഷൻ രംഗങ്ങൾ ഒരുക്കിയത് എങ്ങനെ എന്ന് കാണിക്കുന്ന ഒരു മേക്കിങ് വീഡിയോയുടെ ഗ്ലിമ്പ്സ് പുറത്തു വിട്ടിരിക്കുകയാണ് നിർമ്മാതാക്കളായ സൺ പിക്ചേഴ്സ്. നേരത്തെ ഈ ചിത്രം ഷൂട്ട് ചെയ്ത വമ്പൻ മാളിന്റെ സെറ്റ് എങ്ങനെയാണു ഇട്ടതു എന്ന് കാണിക്കുന്ന വീഡിയോയും അവർ പുറത്തു വിട്ടിരുന്നു.

ടെററിസ്റ്റുകള്‍ ഹൈജാക്ക് ചെയ്ത മാളില്‍ കുടുങ്ങിയ ജനങ്ങളെ രക്ഷിക്കാന്‍ ശ്രമിക്കുന്ന പട്ടാളക്കാരനായ നായകനെയാണ് വിജയ് അവതരിപ്പിക്കുന്നത്. വീരരാഘവൻ എന്നാണ് ഇതിൽ വിജയ് അവതരിപ്പിച്ച കഥാപാത്രത്തിന്റെ പേര്. പൂജ ഹെഗ്‌ടെ നായികാ വേഷം ചെയ്ത ഈ ചിത്രത്തിൽ മലയാളി താരങ്ങൾ ആയ ഷൈൻ ടോം ചാക്കോ, അപർണ്ണ ദാസ് എന്നിവരും അഭിനയിച്ചിട്ടുണ്ട്. ഈ ചിത്രത്തിന് ക്യാമെറ ചലിപ്പിച്ചത് മനോജ് പരമഹംസയും എഡിറ്റ് ചെയ്തിരിക്കുന്നത് ആർ നിർമ്മലുമാണ്. അനിരുദ്ധ് രവിചന്ദറാണ് ഈ ചിത്രത്തിന് വേണ്ടി സംഗീത സംവിധാനം നിർവഹിച്ചിരിക്കുന്നതു. സെൽവ രാഘവൻ, യോഗി ബാബു, അങ്കുർ വികൽ, പുകഴ് എന്നിവരും ഇതിൽ അഭിനയിച്ചിട്ടുണ്ട്.

Did you find apk for android? You can find new Free Android Games and apps.
Share.

About Author