1 മില്യൺ വ്യൂസ് പിന്നിട്ടു സച്ചിൻ ഒഫീഷ്യൽ ടീസർ; ചിത്രം പ്രദർശനത്തിന് ഒരുങ്ങുന്നു..!

Advertisement

ധ്യാൻ ശ്രീനിവാസൻ നായകനായി എത്തുന്ന പുതിയ ചിത്രമാണ് സച്ചിൻ. മണി രത്‌നം എന്ന ഫഹദ് ഫാസിൽ ചിത്രമൊരുക്കി ഏതാനും വർഷങ്ങൾക്കു മുൻപ് അരങ്ങേറിയ സന്തോഷ് നായർ സംവിധാനം ചെയ്ത ഈ ചിത്രത്തിന്റെ ഒഫീഷ്യൽ ടീസർ കുറച്ചു ദിവസങ്ങൾക്കു മുൻപ് യുവ താരം നിവിൻ പോളി പുറത്തു വിട്ടിരുന്നു. ഇപ്പോഴിതാ 1 മില്യൺ വ്യൂസ് പിന്നിട്ടു ഈ ടീസർ മുന്നോട്ടു കുതിക്കുകയാണ്. അജു വർഗീസും ഒരു സുപ്രധാന കഥാപാത്രത്തെ അവതരിപ്പിക്കുന്ന ഈ ചിത്രത്തിലെ നായികാ വേഷം ചെയ്യുന്നത് അങ്കമാലി ഡയറീസ്, വെളിപാടിന്റെ പുസ്തകം എന്നീ ചിത്രങ്ങളിലൂടെ പ്രശസ്തയായ അന്നാ രാജൻ ആണ്.

ഈ ചിത്രത്തിന് തിരക്കഥ ഒരുക്കിയിരിക്കുന്നത് പ്രശസ്ത സംവിധായകനും കൂടിയായ എസ് എൽ പുരം ജയസൂര്യ ആണ്. ജെ ജെ പ്രൊഡക്ഷൻസിന്റെ ബാനറിൽ ജൂഡ് ആഗ്നെൽ സുധിർ, ജൂബി നൈനാൻ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. ഏറെ രസകരമായ ഇതിന്റെ ടീസർ പ്രേക്ഷകർ ഇരു കയ്യും നീട്ടിയാണ് സ്വീകരിച്ചിരിക്കുന്നത്. ധ്യാൻ ശ്രീനിവാസൻ, അന്ന രാജൻ എന്നിവർ അവതരിപ്പിക്കുന്ന സച്ചിൻ, അഞ്ജലി എന്നീ കഥാപാത്രങ്ങളുടെ ചുറ്റുമാണ് ഈ ചിത്രം വികസിക്കുന്നത് എന്നാണ് റിപ്പോർട്ടുകൾ പറയുന്നത്. ഹാരിഷ് കണാരൻ, അപ്പാനി ശരത്, രമേശ് പിഷാരടി, രഞ്ജി പണിക്കർ, മണിയൻ പിള്ള രാജു, കൊച്ചു പ്രേമൻ, ബാലാജി ശർമ്മ എന്നിവരും ഈ ചിത്രത്തിൽ അഭിനയിക്കുന്നുണ്ട്. നീൽ ഡികുന്ന ദൃശ്യങ്ങൾ ഒരുക്കിയ ഈ ചിത്രത്തിന് സംഗീതം പകർന്നത് ഷാൻ റഹ്മാനും ഈ ചിത്രം എഡിറ്റ് ചെയ്തത് രഞ്ജൻ അബ്രഹാമും ആണ്.

Advertisement
Advertisement

Copyright © 2017 onlookersmedia.

Press ESC to close