Saturday, August 13

അഞ്ചാമത്തെ ഇന്ത്യൻ ഭാഷ പഠിച്ചു ദുൽഖർ സൽമാൻ; മറാത്തി ഭാഷ പറഞ്ഞു ദുൽഖറിന്റെ റേഡിയോ ഇന്റർവ്യൂ.!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളികളുടെ യുവ താരം ദുൽഖർ സൽമാൻ സൽമാൻ ഇപ്പോൾ ഭാഷയുടെ അതിർത്തികൾ ഭേദിച്ച് പ്രശസ്തനാവുകയാണ്. മലയാളത്തിൽ തുടങ്ങിയ ദുൽഖർ അതിനു ശേഷം തമിഴ്, തെലുങ്കു ഭാഷകൾ കടന്നു ഇപ്പോൾ ഹിന്ദിയിലും എത്തി കഴിഞ്ഞു. കർവാൻ എന്ന ചിത്രത്തിലൂടെയാണ് ദുൽഖർ തന്റെ ഹിന്ദി അരങ്ങേറ്റം നടത്തിയത്. ആകർഷ് ഖുറാനെ സംവിധാനം ചെയ്ത ഈ ചിത്രത്തിൽ ഇർഫാൻ ഖാൻ, മിഥില പാൽക്കർ എന്നിവരാണ് മറ്റു പ്രധാന വേഷങ്ങൾ ചെയ്യുന്നത്. ഈ ചിത്രത്തിന്റെ പ്രമോഷന്റെ ഭാഗമായി അടുത്തിടെ ദുൽഖർ സൽമാനും മിഥില പാൽക്കറും ഒരു പ്രമുഖ റേഡിയോ ചാനലിന്റെ ഇന്റർവ്യൂവിൽ പങ്കെടുത്തിരുന്നു. ആ ഇന്റർവ്യൂയിൽ വെച്ച് മിഥില പാൽക്കറുടെ സഹായത്തോടെ ദുൽഖർ സൽമാൻ മറാത്തി ഭാഷ പറയുന്ന രസകരമായ കാഴ്ചയാണ് കാണാൻ കഴിഞ്ഞത്. ദുൽഖർ സൽമാൻ പറയുന്ന അഞ്ചാമത്തെ ഇന്ത്യൻ ഭാഷയാണ് മറാത്തി എന്ന് അവർ അതിൽ രസകരമായി സൂചിപ്പിക്കുകയും ചെയ്തു.

#dq and Mithila ✌️? #Karwaan ??✌️? @dqsalmaan @mipalkarofficial

A post shared by Ramees Rammu (@rameesrammu) on

തമിഴിൽ ഓ കെ കണ്മണി, സോളോ, കണ്ണും കണ്ണും കൊള്ളയ് അടിത്താൽ, വാൻ എന്നീ ചിത്രങ്ങൾ ചെയ്ത ദുൽകർ, തെലുങ്കിൽ അരങ്ങേറിയത് മഹാനടി എന്ന ചിത്രത്തിലൂടെയാണ്. ഇതിൽ സോളോ മലയാളം – തമിഴ് ദ്വിഭാഷാ ചിത്രം ആയിരുന്നു. കണ്ണും കണ്ണും കൊള്ളയ് അടിത്താൽ എന്ന ചിത്രം റിലീസിന് തയ്യാറാവുമ്പോൾ വാൻ എന്ന ചിത്രത്തിന്റെ ഷൂട്ടിങ് ഇപ്പോൾ പുരോഗമിക്കുകയാണ്. ഇത് കൂടാതെ ഹിന്ദിയിൽ സോയ ഫാക്ടർ എന്ന ചിത്രത്തിലും ദുൽഖർ സൽമാൻ അഭിനയിക്കുന്നുണ്ട്. ദുൽഖർ ഇപ്പോൾ ചെയ്തു കൊണ്ടിരിക്കുന്ന മലയാള ചിത്രം നവാഗതനായ നൗഫൽ സംവിധാനം ചെയ്യുന്ന ഒരു യമണ്ടൻ പ്രേമ കഥയാണ്. അതിനു ശേഷം ശ്രീനാഥ് രാജേന്ദ്രന്റെ കുറുപ്പ്, മഹേഷ് നാരായണൻ ഒരുക്കുന്ന ചിത്രം എന്നിവയിലും ദുൽഖർ സൽമാൻ അഭിനയിക്കും.

Did you find apk for android? You can find new Free Android Games and apps.
Share.

About Author