മലയാളത്തിന്റെ യുവ താരമായ ദുൽഖർ സൽമാൻ ഇപ്പോൾ കുറച്ചു നാളുകൾ ആയി മലയാള സിനിമയിൽ നിന്ന് വിട്ടു നിൽക്കുകയാണ്. തമിഴ്, ഹിന്ദി ചിത്രങ്ങളിൽ ആണ് ദുൽഖർ ഇപ്പോൾ അഭിനയിച്ചു കൊണ്ടിരിക്കുന്നത്. എന്നാൽ അധികം വൈകാതെ തന്നെ ദുൽഖറിന്റെ മലയാള ചിത്രമായ ഒരു യമണ്ടൻ പ്രേമ കഥ റിലീസ് ചെയ്യും. കഴിഞ്ഞ ദിവസമാണ് ഈ ചിത്രത്തിന്റെ ഷൂട്ടിംഗ് അവസാനിച്ചത്. എന്നാൽ ഇപ്പോൾ സോഷ്യൽ മീഡിയയിൽ വൈറൽ ആവുന്നത് സ്റ്റേജിൽ അടിച്ചു പൊളിച്ചു നൃത്തം ചെയ്യുന്ന ദുൽഖർ സൽമാന്റെ ഒരു വീഡിയോ ആണ്. പ്രശസ്ത നടനും സംവിധായകനും ഗായകനുമായ വിനീത് ശ്രീനിവാസനും മറ്റു ഗായകർക്കും ഒപ്പം സ്റ്റേജിൽ ഒരു തമിഴ് ഗാനം പാടി നൃത്തം ചെയ്യുന്ന ദുൽകർ സൽമാനെ ആണ് നമ്മുക്ക് ആ വീഡിയോയിൽ കാണാൻ കഴിയുക.
https://www.instagram.com/p/Btpjb_oA95v/?utm_source=ig_share_sheet&igshid=18fhidsdnkzum&fbclid=IwAR1ryKg-a_Vu9A6rtUfD46O6ARx-Nv3JFJPMfDe9W6aa37nU7TMSaRzGAPc
ഇത്ര എനർജിയിൽ മലയാളികളുടെ സ്വന്തം കുഞ്ഞിക്കയെ ഈ അടുത്ത കാലത്തെങ്ങും നമ്മൾ കണ്ടിട്ടില്ല എന്ന് തന്നെ പറയേണ്ടി വരും. ദുബായ് ഗ്ലോബൽ വില്ലേജിൽ നടന്ന പ്രവാസോത്സവത്തിന്റെ ഭാഗമായി നടന്ന സ്റ്റേജ് പ്രോഗ്രാമിൽ ആണ് ദുൽഖർ സൽമാൻ സ്വയം മറന്നു പെർഫോം ചെയ്തത്. ഇപ്പോൾ തമിഴിൽ വാൻ എന്ന ചിത്രം ആണ് ദുൽകർ ചെയ്യുന്നത്. ഹിന്ദിയിൽ സോനം കപൂറിനൊപ്പം ചെയ്ത സോയ ഫാക്ടർ ഈ വർഷം റിലീസ് ചെയ്യും. ഇത് കൂടാതെ തമിഴ് ചിത്രമായ കണ്ണും കണ്ണും കൊള്ളയ് അടിത്താൽ എന്ന ചിത്രവും ദുൽകർ പൂർത്തിയാക്കിയിട്ടുണ്ട്. മലയാളത്തിൽ ശ്രീനാഥ് രാജേന്ദ്രൻ ഒരുക്കാൻ പോകുന്ന സുകുമാര കുറുപ്പിൽ ആയിരിക്കും ദുൽഖർ അടുത്തതായി അഭിനയിക്കാൻ പോകുന്നത്. ഒരു സലാം ബുഖാരി ചിത്രവും ദുൽകർ കമ്മിറ്റ് ചെയ്തിട്ടുണ്ട് എന്നാണ് അറിവ്.
