Saturday, May 21

റോക്കിയുടെ മിക്ക ഡയലോഗുകളും എഴുതിയത് നായകൻ യഷ്; വെളിപ്പെടുത്തി സംവിധായകന്‍..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ത്യ ഒട്ടാകെയുള്ള പ്രേക്ഷകരെ ത്രസിപ്പിച്ച കെ ജി എഫിന് ശേഷം ഇപ്പോൾ അതിന്റെ രണ്ടാം ഭാഗം റിലീസ് ആവാനുള്ള കാത്തിരിപ്പിലാണ് പ്രേക്ഷകർ. റോക്കിങ് സ്റ്റാർ യഷിനെ നായകനാക്കി പ്രശാന്ത് നീൽ ഒരുക്കിയ ഈ ചിത്രം വരുന്ന ഏപ്രിൽ പതിനാലിന് ആണ് ആഗോള റിലീസ് ആയി എത്തുക. ഇതിന്റെ ഒന്നാം ഭാഗത്തിന്റെ വിജയത്തില്‍ ഏറ്റവും വലിയ പങ്കു വഹിച്ചത് അതിന്റെ ആക്ഷൻ സീനുകളും ഒപ്പം അതിലെ കിടിലൻ ഡയലോഗുകളുമായിരുന്നു. നാടകീയമായിരുന്നു എങ്കിലും പ്രേക്ഷകരെ ത്രസിപ്പിക്കുന്ന ഡയലോഗുകൾ ആയിരുന്നു കെ ജി എഫ് ആദ്യ ഭാഗത്തിൽ ഉണ്ടായിരുന്നത്. ഇപ്പോഴിതാ ഈ രണ്ടാം ഭാഗത്തിലും അത്തരം ഡയലോഗുകൾ ഉണ്ടാകുമെന്നാണ് ഇതിന്റെ ട്രൈലെർ സൂചിപ്പിക്കുന്നത്. ട്രെയ്ലറിലൂടെ പുറത്തു വന്ന ഡയലോഗുകൾ ഇപ്പോൾ തന്നെ സോഷ്യൽ മീഡിയയിൽ ട്രെൻഡിങ് ആണ്.

രണ്ടാം ഭാഗത്തില്‍, ചിത്രത്തിലെ നായക കഥാപാത്രമായ റോക്കിയുടെ മിക്ക ഡയലോഗുകളും, നായകനായ യഷ് തന്നെയാണ് എഴുതിയിരിക്കുന്നത് എന്ന് വെളിപ്പെടുത്തിയിരിക്കുകയാണ് ഇപ്പോൾ സംവിധായകന്‍ പ്രശാന്ത് നീല്‍. ഈ ചിത്രത്തിന്റെ ട്രൈലെർ ലോഞ്ച് ചടങ്ങിൽ വെച്ചാണ് അദ്ദേഹം ഈ കാര്യം പുറത്തു പറഞ്ഞത്. മാര്‍ച്ച് 27നാണ് കെ.ജി.എഫിന്റെ ട്രെയ്‌ലര്‍ പുറത്തു വിട്ടത്. മലയാളം ഉൾപ്പെടെ അഞ്ചു ഭാഷകളിൽ ആണ് ഈ ട്രൈലെർ പുറത്തു വന്നത്. യഷ്, സഞ്ജയ് ദത്ത്, രവീണ ടണ്ടന്‍, ശ്രിനിഥി ഷെട്ടി, പൃഥ്വിരാജ് തുടങ്ങിയവര്‍ പങ്കെടുത്ത ട്രൈലെർ ലോഞ്ച് ബാംഗ്ലൂരിൽ വെച്ചാണ് നടന്നത്. മാളവിക അവിനാശ്, ഈശ്വരി റാവു എന്നിവരും അഭിനയിക്കുന്ന ഈ ചിത്രം കേരളത്തിൽ വിതരണം ചെയ്യുന്നത് പൃഥ്വിരാജ് പ്രൊഡക്ഷൻസ് ആണ്.

Did you find apk for android? You can find new Free Android Games and apps.
Share.

About Author