Saturday, September 22

വികട കുമാരൻ പുതിയ പോസ്റ്ററിലെ ക്യാപ്ഷൻ ശ്രദ്ധേയമാക്കുന്നു

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത സംവിധായകൻ ബോബൻ സാമുവൽ ഒരുക്കുന്ന വികട കുമാരൻ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ആഴ്ച റിലീസ് ചെയ്തിരുന്നു. ഇപ്പോഴിതാ ഈ ചിത്രത്തിന്റെ സ്പെഷ്യൽ പോസ്റ്ററും എത്തി കഴിഞ്ഞു. ബിവേർ ഓഫ് കിഡ്നാപ്പേഴ്‌സ് എന്നാണ് പോസ്റ്ററിൽ കൊടുത്തിരിക്കുന്ന ക്യാപ്ഷൻ എന്നതും ഈ പുതിയ പോസ്റ്ററിനെ ശ്രദ്ധേയമാക്കുന്നുണ്ട്.

വൈ വി രാജേഷ് തിരക്കഥ ഒരുക്കിയിരിക്കുന്ന ഈ ചിത്രത്തിൽ വിഷ്ണു ഉണ്ണികൃഷ്ണൻ- ധർമജൻ ബോൾഗാട്ടി ടീം ആണ് കേന്ദ്ര കഥാപാത്രങ്ങൾ ആയി എത്തുന്നത്. കാറ്റ് എന്ന ചിത്രത്തിലൂടെ പ്രശസ്തയായ മാനസ രാധാകൃഷ്ണൻ ആണ് ഈ ചിത്രത്തിലെ നായികാ വേഷം ചെയ്യുന്നത്. നാദിർഷ സംവിധാനം ചെയ്ത ബ്ലോക്ക്ബസ്റ്റർ ചിത്രമായ കട്ടപ്പനയിലെ ഹൃതിക് റോഷൻ എന്ന ചിത്രത്തിൽ ആണ് വിഷ്ണു ഉണ്ണികൃഷ്ണൻ- ധർമജൻ ടീം ആദ്യമായി ഒന്നിച്ചത്. ആ ടീം വീണ്ടും വരുന്നു എന്നത് തന്നെ വികട കുമാരന്റെ ആകർഷണം ആണ്.

ചാന്ദ് വി ക്രീയേഷന്സിന്റെ ബാനറിൽ അരുൺ ഘോഷ്, ബിജോയ് ചന്ദ്രൻ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നതു. ബോബൻ സാമുവൽ- വൈ വി രാജേഷ്- ചാന്ദ് വി ക്രീയേഷൻസ് ടീം ഒരുക്കിയ റോമൻസ് എന്ന സൂപ്പർ ഹിറ്റ് ചിത്രം ഇറങ്ങിയിട്ട് അഞ്ചാം വർഷമാകുന്ന സമയത്താണ് ഇവർ വികട കുമാരനുമായി എത്തുന്നത് എന്നതും ഈ ചിത്രത്തിന്റെ സവിശേഷതയാണ്.

ഒരു പക്കാ കോമഡി എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രത്തിൽ സലിം കുമാർ, ഇന്ദ്രൻസ്, ബൈജു, ജിനു ജോസ്, സുനിൽ സുഗത, ദേവിക നമ്പ്യാർ, പാർവതി നായർ, ശ്രീലക്ഷ്മി ഗീതാനന്ദൻ, സീമ ജി നായർ എന്നിവരും പ്രധാന വേഷങ്ങളിൽ എത്തുന്നു. അജയ് ഡേവിഡ് കാച്ചപ്പിള്ളി ദൃശ്യങ്ങൾ ഒരുക്കിയ ഈ ചിത്രത്തിന് സംഗീതം പകർന്നിരിക്കുന്നത് രാഹുൽ രാജ് ആണ്.

Did you find apk for android? You can find new Free Android Games and apps.
Share.

About Author

mm