സൂപ്പർസ്റ്റാറിന്റെ നായികയായി തമന്ന; നെൽസൺ ദിലീപ്കുമാറിന്റെ ജയിലർ വരുന്നു

Advertisement

തമിഴകത്തിന്റെ തലൈവർ സൂപ്പർ സ്റ്റാർ രജനികാന്ത് നായകനായി എത്തുന്ന ഏറ്റവും പുതിയ ചിത്രമാണ് ജയിലർ. കോലമാവ്‌ കോകില, ഡോക്ടർ, ബീസ്റ്റ് എന്നീ ചിത്രങ്ങൾ സംവിധാനം ചെയ്ത നെൽസൺ ദിലീപ്കുമാർ സംവിധാനം ചെയ്യാൻ പോകുന്ന ഈ ചിത്രത്തിന്റെ ടൈറ്റിൽ പോസ്റ്റർ നേരത്തെ പുറത്ത് വരികയും സോഷ്യൽ മീഡിയയിൽ വൈറലായി മാറുകയും ചെയ്തിരുന്നു. ഇപ്പോഴിതാ ഈ ചിത്രത്തിലെ നായികയാരായിരിക്കുമെന്ന റിപ്പോർട്ടുകളാണ് പുറത്തു വരുന്നത്. തെന്നിന്ത്യൻ സൂപ്പർ നായികമാരിലൊരാളായ തമന്നയായിരിക്കും ഇതിലെ നായികയെന്ന വിവരമാണ് വരുന്നത്. പ്രശസ്ത ട്രേഡ് അനലിസ്റ്റായ രമേശ് ബാലയാണ് ഈ വിവരം ട്വീറ്റ് ചെയ്തിരിക്കുന്നത്. അടുത്തിടെയാണ് ഈ ചിത്രത്തിന്റെ ഷൂട്ടിംഗ് ചെന്നൈയിലാരംഭിച്ചത്. രജനികാന്തിന്റെ 169 ആം ചിത്രമാണ് ജയിലർ. ശിവ ഒരുക്കിയ അണ്ണാത്തെയ്ക്കു ശേഷം രജനികാന്ത് നായകനായി എത്തുന്ന ഈ ചിത്രം നിർമ്മിക്കുന്നത് സൺ പിക്‌ചേഴ്‌സാണ്.

രമ്യ കൃഷ്ണനും ശ്കതമായ ഒരു വേഷം ചെയ്യുന്ന ഈ ചിത്രത്തിൽ ഓഗസ്റ്റ് പതിനഞ്ചിനാണ്‌ രജനികാന്ത് ജോയിൻ ചെയ്യുക. അനിരുദ്ധ് രവിചന്ദര്‍ സംഗീതം പകരുന്ന ചിത്രത്തിന് ഛായാഗ്രഹണം നിര്‍വ്വഹിക്കുന്നത് വിജയ് കാര്‍ത്തിക് കണ്ണനാണ്. സംവിധായകൻ നെല്‍സണ്‍ തന്നെയാണ് ഈ ചിത്രത്തിന്റെ തിരക്കഥയും രചിച്ചിരിക്കുന്നത്. തിരക്കഥാ രചനയിൽ നെൽസനെ സഹായിക്കാൻ പ്രശസ്ത സംവിധായകൻ കെ എസ്‌ രവികുമാർ ഈ ചിത്രത്തിന്റെ ഭാഗമാകുമെന്നു നേരത്തെ വാർത്തകൾ വന്നിരുന്നു. വളരെ വ്യത്യസ്തമായ ഒരു കഥാപാത്രമാവും രജനികാന്ത് ഈ ചിത്രത്തിലവതരിപ്പിക്കുകയെന്നും, ചെന്നൈ ഷെഡ്യൂൾ കഴിഞ്ഞതിനു ശേഷം ഹൈദെരാബാദിലാവും ജയിലറിന്റെ ബാക്കി ചിത്രീകരണം നടക്കുകയെന്നുമാണ് റിപ്പോർട്ടുകൾ സൂചിപ്പിക്കുന്നത്. അണ്ണാത്തെ എന്ന ചിത്രം ബോക്സ് ഓഫീസിൽ തകർന്നത് കൊണ്ട് തന്നെ ജയിലറിന്റെ വിജയം രജനികാന്തിനെ സംബന്ധിച്ചിടത്തോളം നിർണ്ണായകമാണ്.

Advertisement
Advertisement

Copyright © 2017 onlookersmedia.

Press ESC to close