ഇന്ന് മലയാള സിനിമ പ്രേക്ഷകർ ഏറ്റവുമധികം കാത്തിരിക്കുന്ന ചിത്രമേതെന്നു ചോദിച്ചാൽ നമ്മുക്ക് സംശയമില്ലാതെ തന്നെ പറയാം, അത് വെളിപാടിന്റെ പുസ്തകമെന്ന മോഹൻലാൽ- ലാൽ ജോസ് ചിത്രമാണെന്ന്. ബെന്നി പി നായരമ്പലത്തിന്റെ രചനയിൽ മോഹൻലാലിനെ നായകനാക്കി ലാൽ ജോസ് ആദ്യമായി സംവിധാനം ചെയ്ത ഈ ചിത്രം നിർമ്മിച്ചത് ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്. മോഹൻലാൽ- ലാൽ ജോസ് കൂട്ടുകെട്ട് ആദ്യമായി ഒന്നിക്കുന്നു എന്ന പ്രേത്യേകത മാത്രമല്ല, ഷാൻ റഹ്മാൻ എന്ന അനുഗ്രഹീതനായ സംഗീത സംവിധായകനും ലാൽ ജോസിനും മോഹൻലാലിനും ഒപ്പം ആദ്യമായി ജോലി ചെയ്യുന്നു എന്ന പ്രത്യേകതതയും ഈ ചിത്രത്തിനുണ്ട്.
ഇന്ന് മലയാള സിനിമയിലെ ഏറ്റവും പോപ്പുലർ ആയ സംഗീത സംവിധായകരിൽ ഒരാളായ ഷാൻ റഹ്മാൻ, ആദ്യമായാണ് ഒരു ലാൽ ജോസ് ചിത്രത്തിനും അതുപോലെ തന്നെ ഒരു മോഹൻലാൽ ചിത്രത്തിനുമായി സംഗീതം ഒരുക്കുന്നത്.
ഇപ്പോൾ വെളിപാടിന്റെ പുസ്തകമെന്ന ഈ ചിത്രത്തിലെ സോങ് റെക്കോർഡിങ് ലൈവ് ആയി പുറത്തു വിട്ടിരിക്കുകയാണ് ഷാൻ റഹ്മാൻ.
ഓണത്തിന് റിലീസ് ചെയ്യാൻ പാകത്തിന് പോസ്റ്റ്-പ്രൊഡക്ഷൻ ജോലികൾ പുരോഗമിക്കുന്ന ഈ ചിത്രത്തിലെ ഗാനങ്ങൾ അതി മനോഹരമാണ് എന്നാണ് അണിയറ പ്രവർത്തകർ നൽകുന്ന സൂചന. ഈ ഓണം വെളിപാടിന്റെ പുസ്തകത്തിനും അതിലെ മനോഹര സംഗീതമൊരുക്കിയ ഷാൻ റഹ്മാനും ഉള്ളതാവുമെന്നാണ് റിപ്പോർട്ടുകൾ സൂചിപ്പിക്കുന്നത്.
